Høgni luttekur í European Youth Chess Championship

Webmaster 16. oktober 2014

Seinastu 2 árini hevur framgongdin verið týðulig fyri unglingan úr Sandavágs Talvfelag,

og vónandi heldur góða gongdin fram eina tíð afturat

Høgni var við tá Føroyar vunnu Small Nations í Monaco ífjør,

gjørdist yngsti Føroyameistari í talvi fyri einstaklingar á Páskum, og var við til OL í Tromsø í august.

Í oktober 2012 var rating talið (styrkistalið) hjá Høgna 2064, meðan hann nú hevur 2273 á altjóða ratinglistanum hjá FIDE.

Um Høgni fær 27 ratingstig afturat í Batumi, hevur hann rætt til at kalla seg FIDE-Master.

Sjálvsagt verður miðað hægri, men tað er eitt av málunum við kappingini.

Ferðaleiðari verður Finnbjørn Vang, nývaldur varaforseti í Evropeisku Talvsamgonguni (ECU),

sum eisini skal á aðalfund í Batumi.

Fylg við kappingini her: European Youth Chess Championship

Fyrsta umfar byrjar kl. 12 føroyska tíð.

Vunnu tepurt á Caymanoyggjunum

Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.

Talvsamband Føroya Faroechess

Høgni luttekur í European Youth Chess Championship

Sí eisini

Vunnu tepurt á Caymanoyggjunum