Hesa ferð var talan um navnframa Viktor Korchnoi , sum er "still going strong" 80 ára gamal. Av teimum 22 talvunum Viktor telvaði, vann hann 18,
telvaði 3 jøvn og tapti 1. Eitt framúr avrik av Arild, sum meira ella minni er tiltikin, tá ið talan er um simultan móti sterkum telvarum.
Talvið sæst niðarlaga á hesari síðuni: Viktor Korchnoi – Arild Rimestad
Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.
Talvsamband Føroya Faroechess