Óbroytt í toppi og botni

Havnar Telvingarfelag hevur nú góðar møguleikar at endurvinna FM-heitið í talvi. 

Havnarmenn vunnu í dag 3 – 1 á klaksvíkingum, og eru tí í roynd veru bara eitt stig frá at endurvinna FM-heitið. Avgerðin fellur, tá oddaliðini møtast í síðsta umfari um tvær vikur.

Avgerðin um niðurflyting verður eisini at bíða til seinasta umfar. Botnliðini Kollafjørður og Havnin B telvaðu javnt sínamillum í dag, og í stigum stendur eisini á jøvnum teirra millum.

Sandavágsmenn høvdu fingið sín dyst framskundaðan, tí tveir av telvarunum spældu dystir í Betri-deildini í fótbólti í dag. Vágamenn vunnu 3-1 á Klaksvík B. Veteranarnir hjá klaksvíkingum hildu tørn. Haldur fekk herfyri remis móti Helga Dam Ziska, í dag endurtók hann kynstrið móti Høgna Egilstoft Nielsen. Wille Olsen, sum er ósigraður í vetur, fekk eisini remis.

Stórmeistarin Helgi Dam Ziska var burturstaddur í dag, men siglingarmaðurin Martin Poulsen var afturfyri tøkur, og kærkomin styrkur hjá havnarmonnum. Føroyameistarin vann dystin á 1 borði, og 3-1 sigurin má sigast at vera nøktandi úrslit hjá oddaliðnum.

Javnleikurin millum botnliðini ber í sær, at stórur spenningur valdar fyri seinasta umfar.

1 deild (9 umfar)

Havnin – Klaksvík 3 – 1

Luitjen A. Apol – Ólavur Simonsen 1 – 0

Martin Poulsen – Rani Baldursson 1 – 0

Carl Eli Samuelsen – Heðin Gregersen 0 – 1

Sjúrður Thorsteinsson – Terji Petersen 1 – 0

Klaksvík B. – Sandavágur 1 – 3

Haldur S. Johansen – Høgni Egilstoft Nielsen ½ – ½

Finnbjørn Vang – Silas Eyðsteinsson 0 – 1

Wille Olsen – Jón í Horni Nielsen ½ – ½

Tummas M. Sólsker – Torkil Nielsen 0 – 1

Havnin B. – Kollafjørður 2 – 2

Herluf Hansen – Árant Djurhuus 0 – 1

Margar Berg – Rógvi Mørkøre 0 – 1

Elias Petersen – Karl M. Dahl 1 – 0

Heiðrikur Jacobsen – Markus Jacobsen 1 – 0

Støðan

Havnin 29 stig

Sandavágur 26½

Klaksvík 20½

Klaksvík B. 12

Havnin B. 10

Kollafjørður 10

Vágamenn flyta upp

Nú er greitt, at Sandavágs Talvfelag flytur upp úr 2 deild og fer at hava tvey lið í fremstu deildini komandi kappingarár.

Sandavágs Talvfelag er fýra stig framman fyri liðið á øðrum plássi fyri seinasta umfar. Klaksvíksliðið er hitt einasta, sum hevur ein teoretiskan møguleika at fáa Sandavág aftur sum oddalið, men klaksvíkingar hava sum er tvey lið í fremstu deildini.

Afturfyri er nakað av spenningi um hvør loftar sær undan niðurflyting í botnstríðnum.

2 deild (9 umfar)

Havnin B. – Sandavágur 2 – 2

Súni Jacobsen – Bernhard Augustinussen ½ – ½

Petur G. Magnussen – Jón Atlason ½ – ½

Brestir Samuelsen – Ingi Wiberg ½ – ½

Eyðun L. Staksberg – Jónfinn Thomsen ½ – ½

Klaksvík – Toftir 2 – 2

Einar Gregersen – Andrias Danielsen 1 – 0

Rókur Davidsen – Bogi Ziska 0 – 1

Flóvin M. Tummasarson – Andreas Andreasen 1 – 0

Rógvi H. Olsen – Jógvan I. Hansen 0 – 1

Kongshavn – Havnin A. 1½ – 2½

Brandur Højgaard – Arnbjørn Ó. Dalsgarð 1 – 0

Meinhard Danielsen – Øssur Joensen ½ – ½

Zaid Al Jay – Óli Joensen 0 – 1

Gunnleif Rasmussen – Poul Poulsen 0 – 1

Støðan

Sandavágur 23½ stig

Klaksvík 19½

Toftir 19

Havnin B. 19

Havnin A. 14

Kongshavn 13½

Rókur ella Gøta

Stórur spenningur er í 3 deild. Kappingin stendur millum sundalagsmenn og gøtumenn. Oddaliðini møttust í dag, og her eydnaðist gøtumonnum at vinna. Úrslitið ber í sær, at dysturin um uppflyting stendur púra opin.

Reinhold Isaksen kláraði óvæntað at syfta Martin Brekká á 1 borði í toppdystinum í dag. Sama gjørdi Hardi Hansen við Kim Durhuus á 3 borði. 

Kollafirðingar skulu ikki avskrivast heilt, teir kunnu lumpa bæði oddaliðini, fáa tey gummibein í síðsta umfari.

Vestmenningar eru ikki partur av oddastríðnum. Nógv er broytt í felagnum við stoltu talvsøguni. Hvar eru allir telvararnir í Vestmanna? Jákup á Rógvi, Samson Højgaard, John Jacobsen, Kári Durhuus, Petur Højgaard, Jákup Durhuus, Jón Mikkelsen o.s.fr.?

3 deild (9 umfar)

Rókur – Gøta 1½ – 2½

Martin Brekká – Reinhold Isaksen 0 – 1

Sámal Christiansen – Petur Páll Mikkelsen 1 – 0

Kim Durhuus – Hardi Hansen 0 – 1

Gunnar Joensen – Petur Larsen ½ – ½

Havnin – Kollafjørður 1 – 3

Jaspur Gaard – Alvin Joensen 0 – 1

Jóhan E. Hansen – Ingi Højsted 0 – 1

Ronny í Lon – Virgar Fagraklett 0 – 1

Jóhan Sivertsen – Signar Kristiansen 1 – 0

Vestmanna – Sandavágur – 1 – 3

Hanus Ingi Hansen – Hans Kári Hansen ½ – ½

Fróði Skúvadal – Hjalti Petersen ½ – ½

Jóhan Vørmadal – Jákup av Túvuvølli 0 – 1

Reidar Egilsnes – Axel Poulsen 0 – 1

Støðan

Rókur 22½ stig

Gøta 22

Kollafjørður 20½

Vestmanna 18

Sandavágur 14½

Havnin 10½

Klaksvíkingar bestir

Tíggju lið kappast í 4 deild.Her eru klaksvíkingar bestir.

4 deild (8 umfar)

Sandavágur A. – Klaksvík 1½ – 2½

Toftir – Strendur B. 2 – 2

Sandavágur B. – Rókur 2 – 2

Havnin – Strendur A. ½ – 3½

Gøta – Suðuroy útsettur

Støðan

Klaksvík 24½

Strendur A 20½

Sandavágur B. 19

Sandavágur A. 17

Rókur 17

Gøta 13

Suðuroy 12

Havnin 11

Strendur B. 11

Toftir 11 

Landskappingin í talvi endar um tvær vikur. Dystirnir í seinasta umfari verða telvaðir leygardagin 22 mars. Tá verður byrjað klokkan 11 fyrrapart. Ætlandi verður endabresturin avgreiddur sum eitt stórt felagsumfar.