Sunnudagin 12.01.2025 verður felagsumfar í liðkappingini.
Felagsumfarið verður øðrvísi skipað, enn tað plagar at verða. Telvað verður á 4 ymiskum plássum. Telvað verður soleiðis:
1. deild telvar í Finsen í Tórshavn
2. deild telvar í húsinum hjá Húsmøðrafelagnum í Klaksvík
3. deild telvar í skúlanum á Eiði
4. deild telvar í skúlanum á Giljanesi í Sandavági
Manningin av Cayman-oyggjunum gav Føroyum dygga mótstøðu í øðrum umfari á talvolympiaduni í Usbekistan í dag. Eftir styrkitølunum áttu Føroyar at vunnið dystin meira sannførandi, men líkt er til, at ratingtølini samsvaraðu ikki heilt við veruligu styrkina hjá mótstøðumonnunum. Ella telvaðu okkara menn í lakara lagi í dag. Hetta var fyrsti dystur okkara móti landinum har vesturi í Karibiska Havinum. Har búgva stívliga 90.000 fólk, og hetta er triðja ferðin, at landið er við á talvolympiadu. Cayman-oyggjar eru styrkismettar nummar 159, vit nummar 107.
Talvsamband Føroya Faroechess