Seinastu dystirnir fyri jól

Talvfólkið verður sett upp um alt landið í morgin. 

 

Tá verða dystirnir í fjórða umfari í landskappingini í talvi í øllum fýra deildum spældir. 

 

Hetta er seinasta leikumfar fyri jól. 

 

Toppdysturin í morgin verður í Skákinum á Akursmørk í Klaksvík. Har bresta klaksvíkingar og havnarmenn saman.

 

Føroyameistarnir hjá Havnar Telvingarfelag eru á odda eftir trý umfør, men vágamenn og klaksvíkingar eru í hølunum á teimum.

 

Sandavágsmenn, sum liggja ímillum havnarmenn og klaksvíkingar, hava heimadyst móti øðrum liði hjá Klaksvíkar Talvfelag.

 

Triði dysturin verður botnbrak í Kollafirði, har annað lið hjá Havnini vitjar.

 

 

Klaksvík (A) – Havnin (A)

Sandavágur – Klaksvík (B)

Kollafjørður – Havnin (B)

Havnin (A)  10½ stig

Sandavágur 9

Klaksvík (A)  7½

Klaksvík (B) 4½

Kollafjørður 2½

Havnin (B) 2

 

 

 

Lítil munur er á liðunum í 2 deild.  Tey seks liðini tykjast toluliga jøvnsterk. Vágamenn eru á odda og munnu ætla sær upp aftur í bestu deildina við einum liði aftrat, men kanska kunnu bæði toftamenn og runavíkingar geva teimum ein skarpan gang í teirri kappingini.

 

 

Sandavágur – Havnin (B)

Toftir – Klaksvík

Havnin (A) – Kongshavn (Runavík)

 

 

 

Sandavágur 7 stig

Klaksvík 7

Havnin 6½

Toftir 6

Kongshavn 5

Havnin B 4½

 

 

 

Í 3 deild tykist dysturin um uppflyting at standa millum sundalagsmenn í Róki, vestmenningar og gøtumenn.

 

Toppdysturin stendur millum Gøtu og Rók. 

 

Gøta – Rókur

Kollafjørður – Havnin

Sandavágur – Vestmanna

 

 

Rókur 10 stig

Vestmanna 7½

Gøta 7

Kollafjørður 5

Havnin 4

Sandavágur 2½

 

 

 

Í 4 deild eru tíggju lið. Her eru bara tvey umfør farin enn, so enn er ov tíðliga at koma við nøkrum spádómi. Men líkt er til, at tvey av nýggju feløgunum, Strendur og Suðuroy, halda seg framat í oddanum. Í morgin verður telvað soleiðis:

 

Gøta – Sandavágur (B)

Strendur (A) – Klaksvík

Rókur – Havnin

Toftir – Sandavágur

Strendur (B) – Suðuroy

 

 

Klaksvík 6½

Strendur 6

Suðuroy 5

Sandavágur B. 5

Sandavágur A. 4½

Gøta 4

Toftir 2

Havnin 1

Strendur B. 1

 

Allir talvdystirnir í morgin byrja klokkan 14.