Talvsamband Føroya Faroechess
Hvørt ár sendir Talvsamband Føroya 10 børn og ung til Norðurlendska Meistaraskapið í talvi, sum í 2025 verður mitt í februar mánaði. 2 føroyingar sleppa við í hvørjum bólki.
Bólkarnir eru hesir:
Bólkur A U20: Fødd í 2005-2007
Bólkur B U16: Fødd í 2008-2009
Bólkur C U14: Fødd í 2010-2011
Bólkur D U12: Fødd í 2012-2013
Bólkur E U10: Fødd í 2014 ella yngri
Úttøkan verður skipað við 2. undankappingum og einari finalu. 8 teir bestu telvararnir í hvørjum bólki sleppa í finaluna og 2. teir bestu telvararnir í finaluni sleppa at umboða Føroyar í februar 2025.
1. undankapping varð telvað leygardagin 9. november 2024. Úrslitini frá tí kappingini eru at síggja her: Úrslit
2. undankapping verður telvað í Kollafjarðar skúla leygardagin 23. november. Øll eru vælkomin at luttaka, eisini tey, sum ikki luttóku í 1. undankapping. Kappingin byrjar klokkan 12.00. Telvað verður 7 talv við tíðini 10 min. + 5 sek/leik.
Tilmelding til kappingin fer fram við at senda teldupost til kappingarleidarin@faroechess.com. freistin at tilmelda seg er fríggjakvøldið 22. november kl. 20.00. Finalan verður telvað sunnudagin 1. desember á Strondum.
Møtið fjølment
Kollafjarðar Talvfelag og Talvsamband Føroya
