Talvsamband Føroya Faroechess
Ja, so kenna vit Høgna aftur. Petur Gardar flytur 1. e4. Høgni svarar 1… a6! og vit hava eitt langt kamptalv fyri framman, sum ikki skal enda við javnleiki. Høgni endaði við tí tiltikna bispaparinum, og frá tá av var tað næstan sum at síggja endatalvs teknikkin hjá sjálvum Capabalnca. Við einføldum snildum fekk Høgni lirka finnustøðuna hjá Petur upp og tá avtornaði hevði hann tvær finnur meira og Petur valdi at leggja kong. Við sigrinum í dag hevur høgni sligið sína favoritstøðu púra fasta. Trý stig eftir trý umfør og 100 prosent skora. Tað er nú givið, at Høgni fer eftir teimum øllum!
Seinastu Tíðindini
Innbjóðing til steypakapping 2025
Steypakappingin verður telvað leygardagin 26. apríl í Skúlaheiminum í Marknagili.
Umframt kappingina er endamálið at draga samanum farna kappingarárið 2024/25 – og við Gallaveitsluni – ikki minst, at øll sum vara av telvingini fáa eina hugnaliga løtu saman.
Luitjen í stórum stíli!
Í dag vann Luitjen HT unglinga uppgerðina í stórum stíli. Enn tá við tí svarta fólkinum. Teir báðir byrjaðu við eini London líknandi byrjan, sum Elias handfór skeivt tíðliga í talvinum. Og tá hann fór í longuborg og hartil lat kongastøðuna upp við finnuleikinum á c3, var Luitjen í sínum rætta álops elementi. Við taktiskum snildum kombineraði hann seg inn í hvítu støðuna hjá Eliasi, sum til seinast var nóg stórur til at lata Luitjen seta seg skák og mát.
Elias brillierar!
Tað fyrsta markanta úrslitið í ársins FM kapping kom longu í 1. umfari. Ungi havnarmaðurin Elias Petersen fekk ein góðan skalp í dag, tá hann útspældi Hans Kristian í miðspælinum. Fyrst fekk hann eina finnu og seinni fangaði hann riddaran hjá Hans Kristiani, sum brádliga ongir puntar hevði at flyta til. Talvið byrjaði við tí ensku byrjanini og teir telvaðu symetriskt nakað inn í byrjunarspælið. Men tá Hans Kristian heldur optimistiskt smekkaði finnuna út á e4 og at síggja til fekk eitt gott tak á miðjuni, kundi Elias við eini taktiskari snildu simpulthen taka finnuna. Tá riddarin eisini reyk, var støðan tapt og Hans Kristian gavst.
Hvør verður føroyameistari?
Klokkan tvey í dag vórðu fyrstu leikirnir fluttir í FM-kappingini í talvi 2025. Favorittarnir eru Høgni Egilstoft Nielsen og Luitjen Akselsson Apol. Ilt er at ímynda sær nakran annan í meistarabólkinum, sum kann standa hesum báðum kurl. Í alt 56 telvarar eru við í FM-stevnuni á Skúlatrøð í Klaksvík. Til ber at fylgja við á netinum leik fyri leik á øllum borðum. Telvað verður í sjey dagar til langa fríggjadag, tá kappingin endar.
Beinleiðis frá FM 2025
Stroymt verður beinleiðis frá FM 2025, ið byrjar í dag kl. 14.00.
Leinkjur finnast á https://live.faroechess.com
Í dag byrjar FM fyri einstaklingar 2025
Fyrsta umfar verður telvað í dag klokkan 14:00 uppi á Skúlatrøð
Kappingin hevur tilsamans 44 luttakarar.
Í Landsliðsbólkinum luttaka átta telvarar við Høgna Egilstoft sum rating favoritti við einum styrkistali uppá 2374.
Talvlega fyri børn og ung
Talvsamband Føroya skipar í døgunum 5. til 6. apríl fyri talvlegu fyri børn og ung. Legan verður í Kollafirði. Vant verður í skúlanum og gist verður í skótahúsinum. Á skránni er venjing, hugni og felagsskapur, matur, spæl og gisting. Vant verður í ymsum styrkibólkum. Venjarar á hesi legu eru Luitjen Akselsson Apol, Haldur Suni Johansen og Árant Djurhuus.
Barna grand prix finalan
Sunnudagin, 30. mars kl. 14.00, verður 5. og seinasta Barna Grand Prix kvikkapping fyri børn telvað í Stranda skúla.
Innbjóðing til GP Finaluna 2025
Leygardagin 29. mars verður Grand Prix finalan telvað í Sandavági. Telvað verður í skúlanum á Giljanesi. Kappingin er opin fyri øllum talváhugaðum, eisini teimum, sum ikki – ella bara partvís – hava luttikið í GP kappingum hetta kappingarárið.