Talvsamband Føroya Faroechess

Tað var spenningur og drama við lít, tá ið vágamenn og havnarmenn í dag telvaðu um meistaraheitið, fyrst í regluligum dysti, og síðani í umdysti, skipaður sum kviktalv við munandi minni leiktíð.    Fyrst vunnu havnarmenn 3-1. Tað gav teimum umdystin. Nú vóru teir rímiligt favorittar eftir frálíka sigurin á ósigraða oddaliðnum, men í  umdystinum tók alt eina bráða vend. Vágamenn vóru neyvari og kringari og kaldari, tá ið á stóð.

Eftir at hava vunnið allar dystirnar í liðkappingini, taptu sandavágsmenn 10. og seinasta umfar 1-3 fyri HT.Henda gjørdi, at bæði liðini endaðu jøvn, og tískil mátti umdystur til, fyri at finna vinnararnar.Umdystin vann ST 3-1. Í umdystinum vórðu telvaði kviktalv (10 min. hvør + 5 sek. pr. leik).Meira um hetta seinni.Niðanfyri eru nakrar myndir frá endaumfarinum, ið varð telvað á Skúlatrøð í Klaksvík.

Umdysturin verður leiktur soleiðis: 1. Liðini telva 1 kviktalv. Lutakastið gav HT hvítt á 1. borði. Um tað framvegis stendur á jøvnum: 2. Liðini telva 1 snartalv. Nýtt lutakast um farvurnar. Um tað framvegis stendur á jøvnum: 3. 1. borðini (Rógvi og Helgi) telva 2 snartalv. Nýtt lutakast um farvurnar. Um tað framvegis stendur á jøvnum: 4. 1 armageddon talv (annar telvarin skal vinna talvið). Nýtt lutakast um farvurnar.   Fylgjast kann við her: https://lichess.org/…/fm-umdystur-1-kviktalv/9IIrWNRz og her við viðmerkjarum: https://www.youtube.com/watch?v=qRECmddXs9I

Leygarmorgunin 18. mars endar landskappingin í talvi við stórum felagsumfari á Skúlatrøð í Klaksvík.   Mesti spenningurin er í 1. deild. Sandavágs Talvfelag hevur verið einaráðandi í vetur og vunnið allar níggju dystirnar. Men kortini er eingin avgerð fallin enn. Føroyameistarnir úr Havnar Telvingarfelag eru tvey stig aftanfyri. 

Klaksvíkar Talvfelag er vertur fyri 10. og seinasta umfarinum í liðkappingini 2022/23, ið verður telvað á Skúlatrøð í Klaksvík, í morgin kl. 10. 112 telvarar telva í 4. deildum, deilt yvir 28 lið. Í 1. deild eru 6 lið, í 2. deild eisini 6 lið, somuleiðis 6 lið í 3. deild og 10 lið eru í 4. deild.

9’inda og næstsíðsta GP-kapping í hesum kappingarári verður telvað í talvhølunum hjá Tofta Talvfelagi sunnudagin 19.03. Øll eru vælkomin at luttaka í kappingini.

Síðsta umfar í liðkappingini verður telvað leygardagin 18. mars á Skúlatrøð í Klaksvík. Byrjað verður kl. 10.00.

TT-Kvik skuldi eftir ætlan telvast á Toftum leygardagin 11.03.2023, men er flutt til sunnudagin 19.03.2023. Innbjóðing til kappingina kemur í komandi viku.