Talvsamband Føroya Faroechess

Hendan síðan kann eisini síggjast í fullari stødd á live.faroechess.com Your browser does not support inline frames or is currently configured not to display inline frames.

Enn ber til at verða partur at stóra talvtiltakinum í Klaksvík 20 – 26 juli. Talvfestivalurin fevnir um 2 kappingar. 

Umframt Heini Olsen Memorial - sum er ein allir móti øllum GM-kapping – verður ein opin talvkapping, har øll kunnu luttaka. Tað serstaka við opnu kappingini er, at heili 11 konufólk telva við. Kappingin er ókeypis, men tó eru frálíkir vinningar.

IM Helgi Dam Ziska, úr Tórshavn, dróg enn ein snøggan og sera tryggan Grand Prix sigur til høldar, tá Finalan 2009/10 varð telvað í hølum Havnar Telvingarfelags, fríggjakvøldið. Annað árið á rað. Eftir 10 kappingar í kappingarárinum, har 5 tær bestu eru avgerðandi fyri endastøðuna, vann Helgi kappingina við 34 stigum av 35 møguligum. Sannførandi. 

Finalan í Grand Prix kappingini 2009/10, verður telvað í hølum Havnar Telvingarfelags, fríggjadagin 2. juli, kl. 18.00.

FM-finalan í liðkappingini í talvi fyri skúlaungdóm varð telvað í Kollafjarðar skúla, fríggjadagin. Unglingar úr Havnini vunnu FM-gull í báðum aldursbólkum.

Framúr gott avrik hjá unglingunum úr Havnini, sum ikki snávaðu í finalu-umfarinum, eftir sigrarnar í undankappingunum í Klaksvík og Kollafirði.  

FM FINALAN 2010 í liðkappingini fyri skúlaungdóm, verður telvað í Kollafjarðar skúla, fríggjadagin 18. juni, kl. 17.00.

Kappingin er skipað í tveimum aldursbólkum: 4 fl. og yngri og 5. fl. og eldri, har fýra telvarar manna liðini, umframt evt. í mesta lagi 2 skiftisleikarar.

Innleiðandi kappingar hava verið í Klaksvík og Kollafirði.