Talvsamband Føroya Faroechess

Norðurlendska Meistaraheitið 2010 í talvi fyri gentur, verður telvað í Reykjavík í vikuskiftinum. Ferðalagið er komið fram í øllum góðum og fyrsta talvið verður telvað í kvøld, kl. 19.30.

Við støði í FM fyri gentur fyrr í ár, eru Føroyar umboðaðar við Sáru Traber Olsen, úr Tórshavn, Herborg Hansen, úr Klaksvík, Signhild Durhuus og Honnu Jacobsen, báðar úr Kollafirði.

Í døgunum 31. juli – 08. august tók eg lut í opnu talvkappingini, Arctic Chess Challenge, í Tromsø. Kappingin, sum á fyrsta sinni var hildin í 2006, telist nú millum sterkastu opnu kappingar í Skandinavia, og í ár var hon enn tá sterkari enn (tó ikki eins stór og) tann navnframa Politiken Cup, sum í mong ár hevur verið væl umtókt millum føroyingar. 164 telvarar tóku lut í Arctic Chess Challenge í ár, harav 25 stórmeistarar og 25 altjóða meistarar.

Talvið móti Alexander Moiseenko (2667) var hæddarpunktið í kappingini. Javnleikurin kom til høldar eftir 5 tímar og 50 minuttir og 133 leikir, har eg hevði verið undir trýsti meginpartin av tíðini (sí talvið við viðmerkingum niðanfyri). Síðsta hálva tíman hevði mótstøðumaðurin sitið og putlast og roynt at massera eina steindeyða støðu til lívs, og av tí sama høvdu vit bara 15 minnuttir at koma okkum, áðrenn snarkappingin fór í gongd. Eg hevði bestan hugin at geva avboð og tørna inn tíðliga, men valdi tó at taka lut, eftirsum eg longu hevði goldið fyri at vera við.

Eftir heilt einastandandi væl eyðnaðu steypakappingarnar 2007/2008/2009, skipar Talvsamband Føroya - aftur í 2010 - fyri Steypakapping í talvi fyri lið, leygardagin, tann 11. september 2010. Tiltakið verður í Gjáargarði við Gjógv. Karmar og umstøður sum vísa seg at vera heilt ekseptionelt góðir.

17 ára gamli, Heiðrikur Tindskarð Jacobsen, úr Tórshavn, varð - tá seinasti leikur var fluttur - stinnastur av føroyingunum, sum luttóku í Politiken Cup 2010, sum varð telvað í Helsingør seinastu vikuna.

Helgi Dam Ziska, sum í hesum døgum luttekur í sera sterkari talvkapping, Arctic Chess Challenge, í Tromsø, er ikki til at vika, hóast ógvusliga mótstøðu.

Seks føroyingar telva í løtuni í kappingum uttanlands.

Olaf Berg vann Ólavsøkusnartelvingina 2010, ið Havnar Telvingarfelag skipaði fyri.

Tó mátti umdystur millum Olaf og Torkil Nielsen til, áðrenn vinnarin varð funnin. Við vóru 16 telvarar, og vóru 7 umfør telvaði.

Sí úrslit og støður á kappingartalvuni.

Havnar Telvingarfelag bjóðar til snartalvkapping, Ólavsøkuaftan, 28. juli kl. 19.30.