FM-lið: Endaumfarið telvað í SÍF-húsinum !

FM endabresturin í Liðkappingini 2011 verður telvaður í SÍF-húsinum, Sandavágur, leygardagin 12. mars. Byrjað verður kl. 11.00 stundisliga. Møtið í rúmari tíð undan.

Vart skal gerast við, at í seinasta umfarinum í liðkappingini er ikki loyvt  telvarum at flyta niður í lægri lið/deild. 

Dømi: ein telvari, sum hevur telvað við 1. deild í 9. umfari, kann í 10. umfari ikki telva við lægri liði í 1. deild, ella nøkrum øðrum liði í eini lægri deild.

Hesin regul er galdandi fyri allar deildir.