Tíðindi

FM finalubólkar fevna um tey bestu liðini í hvørjum aldursbólki frá innleiðandi kappingunum. Tey lið sum ikki kvalifisera til finaluna, ella sum ikki luttaka innleiðandi, telva í opnum bólkum í finaluni um plaseringar og heiðursmerki.

Á hvørjum liði eru 4 telvarar. Tó ber til at hava í mesta lagi 2 skiftistelvarar – t.v.s í mesta lagi 6 á hvørjum liði.

4. flokkur og yngri telva uttan umhugsunartíð (klokku) – tó verður klokka nýtt, um hetta verður mett neyðugt til tess at finna eina avgerð. Royndirnar vísa, at tey yngru hava lyndi at hugsa meir um klokkuna enn um talvið.

5. flokkur og eldri telva við 10 minuttum í part til hvørt talvið.

2. Innleiðandi kapping verður sunnuadagin 15. mai kl. 14.00 í Kollafjarðar Skúla.

Seinasta freist at melda er fríggjadagin 13. mai á telefon 217556 ella á teldupost-adressu:davida@email.fo. Vinarliga upplýsið navn á liði (skúli/felag) og tilskila aldursbólk. 

Heiðursmerki verða latin trimum teimum bestu liðunum í hvørjum aldursbólki.

FINALA 2011 – Kollafjørður:

Finalan 2011 verður telvd í Kollafjarðar Skúla sunnudagin 22. mai kl. 14.00.

Heiðursmerki verða latin trimum teimum bestu liðunum í hvørjum aldursbólki umframt ognarsteyp til vinnandi FM liðini. Í opnu bólkunum verða heiðursmerki latin trimum teim bestu liðunum í hvørjum aldursbólki.

Vónað verður, at møtt verður fjølment til kappingarnar. Ásannast má, at eins týðandi tað er, at seta við nýggjar telvarar, ikki minst týðandi er tað, at halda teimum til !

Kappingarnar eru fyri allar áhugaðar talvungdómar – royndar, minni royndar og eisini fyri tey sum júst eru byrjaði – tað er ikki at halda seg aftur !

Klaksvík, hin 2. mai 2011

TALVSAMBAND FØROYA

Sára Traber Olsen, úr Tórshavn, vísti enn einaferð NM-styrki, tá hon í vikuskiftinum vann NM-bronsu í talvi fyri gentur, sum varð telvað í Jetsmark í Danmark í vikuskiftinum. 

Umframt Sáru, sum vann bronsuna í U16 bólkinum, luttók eisini evnaríka Hanna Jacobsen, úr Kollafirði, í U13 bólkinum. 

Norðurlandameistaraheitið i telving fyri gentur, verður telvað i Danmark hetta vikuskiftið.

Sara T. Olsen HT og Hanna Jacobsen KT umboða Föroyar i kappingini i avikavist B- og C-bolkinum.

Eftir 3 umför hevur Sara fingið 2 stig, medan Hanna hevur 1 stig. Sunnudagin 10.04 bliva seinastu umförini telvaði, 4 umfar um morgunin og 5. (seinasta umfar) seinnapartin. Fylgjast kann við kappingini a: http://jetsmarkskakklub.dk/skoleskak/pige-nm-2011/

Ratinglistin er nú dagførdur eftir Reykvavik Open, EM og VT Open 2011.

Sí leinkju á vinstra bredda.

Niðanfyri her havi eg viðmerkt talvið í 9. umfari, talvið var ímóti Jörgen Eriksson (2202).

Eftir at bíða eitt sindur eftir mótstøðumanninum, kom hann eini 10 minuttir ov seint. 1.d4 e6 2. Rif3 d5 3.c4 Rif6 4. Ric3 c6 5.e3 Ribd7 6.Fc2 Bd6 7.Bd3.

Ein byrjan, ið ofta verður nýtt, men eg eri ikki so kønur í byrjunarspæli, so eg kendi ikki væl ætlanina hjá svørtum, og av teirri grund, geri eg ein heldur óneyðugan leik. 7…h6?! meiningin er, at einaferð tá ið eg eri farin um borg, er riddarin bundin á f6, men tað er ikki heilt víst, at leikurin skal gerast. Ein ætlan er, at leypa um borg, taka á c4 og síðani at spæla e5. 8. 0-0 0-0 9.Rd1 e5 10.cxd5 cxd5 11. e4.

11…dxe4. Her hevði eg longu brúkt meira enn ein tíma, og mær dámdi einki støðuna. Mótstøðumaðurin hevur fríðari spæl, hann hevur fult kontroll á miðjuni, og er komin væl longri við at útvikla seg. Mann sigur, at tveir riddarar í dekka hvønn annan, ikki eru so góðir, tað er akkurát tað mínir gera á f6 og d7, ikki nokk við tað, riddarin á d7 stendur eisini fyri bispin á c8. Samanumtikið sær tað ikki so gott út, men heilt galið er tað ikki, hóast alt. 12.Rixe4 Rixe4 13. Bxe4 exd4. Royndi at býta eitt sindur av, og hopaði upp á at klára at útvikla meg, uttan at fáa eina nógv verri støðu. 14. Rxd4 Fe7 15.Be3 Rif6.

Eftir nakrar fáar leikir, sær støðan ikki so galin út, men eg eri enn eitt sindur aftanfyri í útviklingini. 16.Bf5?! Hesin leikurin sær eitt sindur býttur út, av tí at bispurin á c8 stendur bara fyri, sum eitt býtt. Men leikurin er hóast hetta ikki óskiljandi, bæði tí at mótstøðumaðurin ikki kann flyta bispin nakra aðra staðni, tí um t.d. 16.Bd3 Bc5 17.Rc4 Bxe3 missur hvítur finnu. Letur hann, bispin standa, so missur hann bispa-parið. Besti leikurin er nokk 16.Re1, fyri at verja bispin á e3, samstundis sum hann útviklar rókin. 16…Bc5 17.Rc4.

Her havi eg tveir møguleikar, 17…Bxf5 ella 17…Bxe3, eg hugsaði eina løtu, og helt so at 17…Bxe3 var betra loysnin, av tí eftir 18.Bxc8 Bb6 19.Bf5 stendur svartur fínt. 17…Bxe3 18. Bxc8. Tað var nær við at eg tók í bispin, men so sá eg, at 19.Re1 vinnur lættliga eina finnu, av tí at frúgvin má flytast, og kann ikki verja finnuna á b7. Nú vóru góð ráð dýr, eg hevði uml. 20 minuttir eftir á klokkuni, so ein skjót avgerð mátti takast. 18…b5!? 19.Rc7.

19…Fxc7 Eg helt ikki, at tað var nakrar annar møguleiki, men 19…Fe4 er betur, av tí at 20.Fxe4 Rixe4 21.Bb7 Bxf2 22. Kf1 Rae8 23.Bxe4 Bb6 missur hvítur mannin aftur, tí hann klárar ikki at verja rókin og bispin. 20.Fxc7 Raxc8 Eg misti frúnna fyri rók og bisp, men tað er ikki lætt hjá honum, tí eg havi ein góðan bisp, og tíðin hjá okkum báðum byrjaði at ganga undan. Tá ið tíðin byrjar at ganga undan, er tað næstan altíð best at vera í álop, hetta var grundin, til at eg helt, at eg kundi lata frúnna. 21.Fb7? hann gjørdi eina villu beinanvegin, betur var 21.Fa5. 21…Bb6 Eg havi longu javna út, men sum sagt, er tað ikki læt hjá honum at flyta í tíðarneyðini, so mann kann siga at eg havi ein fyrimun. 22.Rie5 Rc7 23.Rid3?

Longu nú sær tað heilt gott út hjá mær, tað er alt ov stórt press á f2. 23…Rd2 24.Ff3 Rd8 Nú er tað einki hjá honum at gera, hann kann ikki verja riddarin, og flytur hann riddarin, so hongur á f2. 25.Rd1 R8xd3

26.Fxd3 Bxf2 27.Kf1 Rxd3 28.Rxd3 Talvið er vunnið, og restina av talvinum hevur ikki nógv at siga. 28…Bc5 29.Rd8 Kh7 30.Rb8 Bb6 31.Ke2 Rid5 32.a3 Rif4+ 33.Kf3 Rid3 34.b3 Ric5 35.b4 Rid7. 36.Rb7 Rie5+ 37.Ke4 Ric4 38.Rxf7 Rid6+ 0-1

Ein góð kapping var komin á enda. Kappingin gav eina framgongd uppá 38 ratingstig, málið var at fáa eini 30-40 stig, so telvingin og úrslitini vóru nøktandi. Sjálvandi iðraði eg meg um onkra støðu, har er kundi fingið meira burturúr, men eg var eisini heppin okkurt talvi, tað vil so verða.

Valið av McGuire kann fara at geva Fisher superhetjudám,  tí mest kendi leikluturin,  sum McGuire enn hevur spælt er sera nørdasligi og kiksaði Peter Parker, sum ger eitt evnafrøðiligt eksperiment og brátt verður umgjørdur til superhetjuna Spiderman.

Nýggji filmurin um Fischer skal eita Pawn Sacrifice og skal leikstjórnast av David Fincher.

FIDE ratinglistin og tann føroyski ratinglistin eru nú dagførdir eftir liðkappingina og OPEN kappingarnar, ið hava verið, umframt ta donsku liðkappingina.

Sí leinkjur á vinstra bredda, undir Liðkappingin 2010/11 og Annað.

Helvtin av heimabúgvandi TSF-nevndini, Torbjørn Jacobsen løgtingsmaður, toftamenn og komandi NM-luttakarin Hanna Jacobsen úr KT, kappaðust um heiðurin og vinningarnar.

Sum altíð á Toftum, var kaffi og nýbakað køka. Ryktini vildu vera við, at kokkurin mikli var høvuðsfyriskiparin leygardagin, Brandur Højgaard. 

Óansæð, væl smakkaði og kappingarumstøðurnar vóru framúr góðar !

Ratingfavoritturin til kappingina lá ikki sjóvarfallið av sær, men gjørdi bart og vann øll talvini.

Finnbjørn Vang 2050 fekk 7 av 7 møguligum, meðan Jákup á R. Andreasen 1916 varð nr. 2 við 6/7 og Brandur Højgaard nr. 3 við 4,5 stigi.

Hóast lága luttakaratalið, gav TT ratingvirðislønir til Helga Joensen 1670 og Andrias Danielsen 1050.

Hanna smæddist ikki burtur millum mannfólkið, men tekur seg alsamt meira fram. 2 stig fekk hon til høldar leygardagin,
2 stig fleiri enn Torbjørn Jacobsen, sum telvaði móti sjálvum Kasparov á sinni !

Næsta GP-kappingin verður í Sandavági 26 mars.

Place Name                 

  1   Finnbjørn Vang                      2050    7        18.0  26.0   28.0
  2   Jákup á R. Andreasen           1916    6        18.0  27.0   24.0
  3   Brandur Højgaard                  1501   4.5      18.5  25.5   16.5
  4   Helgi Joensen                        1620    4        18.0  25.0   15.5
  5   Vagnur Dam                          1547   3.5      19.5  26.5   18.0
6-7  Rógvi M. Olsen                      1647    3        17.5  24.5   10.0
      Justinus Hansen                     1528    3        16.5  23.5    9.0
8-9  Andrias Danielsen                 1050    2        18.0  25.0    8.0
      Hanna Jacobsen                     1017    2        15.5  20.0   11.0
10   Torbjørn Jacobsen                             0        15.5  22.0    0.0

No  Name                 Feder Rtg  1    2    3    4    5    6    7 

1.  Finnbjørn Vang                  6:W  4:W  3:W  2:W  5:W  7:W  8:W
2.  Jákup á R. Andreasen            7:W  3:W  5:W  1:L  4:W  8:W  6:W
3.  Rógvi M. Olsen                  8:W  2:L  1:L  7:L  6:L 10:W  9:W
4.  Helgi Joensen                   9:W  1:L  7:D  8:W  2:L  5:D 10:W
5.  Vagnur Dam                     10:W  6:W  2:L  9:W  1:L  4:D  7:L
6.  Justinus Hansen                 1:L  5:L  8:L 10:W  3:W  9:W  2:L
7.  Brandur Højgaard                2:L 10:W  4:D  3:W  9:W  1:L  5:W
8.  Andrias Danielsen               3:L  9:L  6:W  4:L 10:W  2:L  1:L
9.  Hanna Jacobsen                  4:L  8:W 10:W  5:L  7:L  6:L  3:L
10. Torbjørn Jacobsen               5:L  7:L  9:L  6:L  8:L  3:L  4:L

by Swiss Perfect (TM)  www.swissperfect.com

22 luttakarar møttu til KTF-kvik leygardagin 26 februar.

Hægst rataðu telvararnir í Føroyum, IM Helgi Dam Ziska og IM John Rødgaard vóru enn eina ferð til dystin fús, og myndaðu toppin alla kappingina. Fleiri 1. deildar telvarar vóru eisini við, og gjørdu at kappingin varð sera sterk. Av hesum kunnu nevnast Torkil Nielsen, Høgni E. Nielsen, Rani Nolsøe, Tummas M. Sólsker, Finnbjørn Vang og Herborg Hansen. Mest óvæntaða úrslitinum stóð Margar Berg tó fyri, hann vann á IM John Rødgard við svarta fólkinum – flott flott !

IM Helgi D. Ziska vann kappingina sannførandi við 6½ av 7 stigum, Finnbjørn Vang varð nr. 2 við 5½ stigum, meðan IM John Rødgaard, Margar Berg, Rani Nolsøe og Ingolf Gaard vóru javnir á 3. plássi.

Ratingvirðislønirnar vunnu Janus Skaale, Sjúrður Olsen og Margar Berg.

Hjartaliga til lukku allir samlir !