Talvsamband Føroya Faroechess
Heimsmeistaraheitið í kvik- og snartalv verður í hesum døgum telvað í Doha, Qatar.
Heimsmeistarin í kviktalvi Magnus Carlsen, og Heimsmeistarin í snartalvi Alexander Grischuk eru báðir við, men saman við teimum eru eisini onnur kend nøvn, har fleiri eru serliga kendir innan kvik- og snartelving. Av hesum kunnu nevnast Hikaru Nakamura (2779) úr USA, Ian Nepomniachtchi (2767) Russland, Maxime Vachier-Lagrave (2811) Frankarríki, Levon Aronian (2795) Armenia og Sergey Karjakin (2785) Russland og Viswanathan Anand (2779) India.
Í Doha er eisini HM í kvik- og snartalv fyri kvinnur. Tað er fyrstu ferð, at bæði menn og kvinnur telva samstundis um HM í kvik- og snartalvi. Men við einans 36 luttakarum, er kappingin ikki eins stór og tann hjá monnunum. Men hóast lága luttakaratalið, eru fleiri kend nøvn við har eisini. Favorittar hjá kvinnum eru Wenjun Ju (2580) Kina, Anna Muzychuk (2561) Ukraine, Humpy Koneru (2557) India og Alexandra Kosteniuk (2555) Russland.
Skráin fyri kappingina:
26. desember kl. 13:00: Dagur 1 – kviktalv
27. desembur kl. 13:00: Dagur 2 – kviktalv
28. desembur kl. 13:00: Dagur 3 – kviktalv
29. desembur kl. 13:00:-Dagur 1 – snartalv
30. desembur kl. 13:00: Dagur 2 – snartalv
Í kviktalv verða 15 umfør, 5 umfør um dagin. Hugsunnartíðin er 15 minuttir + 15 sekund hvønn leik. Í snartalvi verða 21 umfør, 12 umfør hósdagin og 9 umfør fríggjadagin. Hugsunnartíðin er 3 minuttir + 2 sekund hvønn leik.
Virðislønir fyri 400.000 $ eru í opna flokkinum (menn), harav vinnarin fær 40.000 $ fyri hvørja kapping. Hjá kvinnunum eru virðislønir fyri 80.000 $, har vinnarin fær 10.000 $ fyri hvørja kapping.
Fyrrverandi Heimsmeistarar í kviktalvi:
2015: Magnus Carlsen, Norra
2014: Magnus Carlsen, Norra
2013: Shakhriyar Mamedyarov, Aserbajdsjan
2012: Sergey Karjakin, Russland
2003: Viswanathan Anand, India
1988: Anatoly Karpov, Sovjet
Fyrrverandi Heimsmeistarar í snartalvi:
2015: Alexander Grischuk, Russland
2014: Magnus Carlsen, Norra
2013: Le Quang Liem, Kina
2012: Alexander Grischuk, Russland
2010: Levon Aronian, Armenien
2009: Magnus Carlsen, Norra
2008: Leinier Dominguez, Kuba
2007: Vassily Ivanchuk, Ukraine
2006: Alexander Grischuk, Russland
1988: Mikhail Tal, Sovjet
Á almennu heimasíðuni hjá kappingini eru støður, myndir vm., og talvini verða víst Live.
Leinkja til kappingina: http://www.dohachess2016.com/
Luttakaralistin: http://qatarchess2016.com/DohaChess2016/index.php/tournament/2016-09-27-05-40-48
