Heim / Tíðindi / Seinastu Tíðindini / Broytingar í GP-kappingunum

Broytingar í GP-kappingunum

Á aðalfundinum í Klaksvík vóru ávísar broytingar framdar viðvíkjandi Grand Prix kappingini.
 
1. Framyvir avgera feløgini sjálvi um luttøkugjald er, hvussu høgt tað er og hvussu útgjaldið sær út.
 
2. Vinnarin av Grand Prixnum fær nú eina ferð til Politiken Cup (alt íroknað), meðan nr. 2 fær 2000 kr og nr. 3 fær 1.500 kr.
 
3. Tá ið ST-kvik  (kapping nr. 7 í GP-høpi) hevur verið, er lutakast millum allar luttakararnar um eina ferð til Reykjavík Open í mars (alt íroknað).
   Treytin er tó tann, at telvarar skulu hava luttikið í minst 4 GP-kappingum. Tvs. 4 av teimum fyrstu 7 kappingunum.
 
Hesar broytingar eru galdandi frá 11. oktober 2014.
 
 
Reglugerð
 
 
Grand Prix kappingin 2014/15 fevnir um 9 kappingar:
 
Kappingarnar síggjast á talvkalendaranum, sum liggur á heimasíðuni hjá TSF.
 
Til tess at at fáa samlaða Grand Prix plasering og ratingvirðisløn, krevst luttøka í Finaluni og 4 undankappingum, harav luttikið skal vera í minst einari rataðari kapping (Open). 
 
KAPPINGARREGLUR
 
1) Kvik-kappingar: Hvør telvari fær 15 min. í part til hvørt talvið, telvað verða 7 umfør. Finalan 9 umfør.
 
2) FM Snar: Telvað verða 9 dupultumfør. 
 
3) Snar-kappingar: Telvað verða 9 umfør. Hvør telvari fær 5 min. í part til talvið.
 
4) Rataðar kappingar: Telvað verða 5 umfør. Umhugsunartíð verður ásett av fyriskipara.  
 
5) Grand Prix stig verða latin soleiðis í hvørjari kapping:
  
• Nr. 1 fær 7 GP stig
• Nr. 2 fær 5 GP stig
• Nr. 3 fær 4 GP stig
• Nr. 4 fær 3 GP stig
• Nr. 5 fær 2 GP stig
• Nr. 6 fær 1 GP stig
 
Um javnstøða er, verða GP-stigini deild.
 
6) Til tess at fáa samlaða Grand Prix plasering og ratingvirðisløn, krevst at viðkomandi hevur luttikið í Finaluni og í 4 undankappingum. 
 
7) Tá Grand Prix endastøðan og ratingvirðislønir verða gjørdar upp, verður hetta gjørt við støði í 5 teim bestu úrslitunum, t.v.s. vánaligasta úrslitið verður frádrigið. Er javnstøða verður næst-vánaligasta úrslitið frádrigið. Er framvegis javnstøða, verður umdystur við 2 snartalvum og síðani sudden-death, tá um nr. 1,2,3 og ratingvirðislønir umræður.   
 
8) Ratingvirðislønir verða latnar tá Grand Prix kappingin er lokin. Útgansstøðið er evt. samanspard GP-stig og annars talv-stig í fylgjandi ratingflokkum; sí annars 5. og 6:
 
    a) 1601 – 1900
    b) 1301 – 1600
    d) onki ratingtal – 1300
    
2 stig verða løgd aftur vunnum talvstigum, tá talan er um rataðar kappingar. Hetta fyri at javna út, at talan er um 5 umfør í rataðum kappingum og 7 umfør í kvik-kappingum. Tilsvarandi verður roknað niður á 7 stig, tá talan er um Snar-kappingar.
 
Grand Prix vinnarar vinna ikki samstundis ratingvirðislønir. 
 
9) TSF letur steyp til Grand Prix Vinnaran 2014/15, medaljur, og annars fylgjandi plaseringsvirðislønir:
 
1) Grand-Prix Vinnari: Politiken Cup 2015 (alt íroknað)
2) Nr. 2 kr. 2.000
3) Nr. 3 kr. 1.500
4) RVL: 1601-1900: kr. 1.000
5) RVL: 1301-1600: kr. 1.000
6) RVL:         -1300: kr. 1.000
 
 
TALVSAMBAND FØROYA

 

Sí eisini

RO2017_HDZ_6

Reykjavik Open: 6. umfar – Aftur 5½ stig í dag

Í dagsins umfari fingu føroyingarnir 5,5 stig. Janus Skaale, Margar M. Berg,  Luitjen A. Apol …