Talvsamband Føroya Faroechess

Leygardagin tann 5. november verður barnatalvkapping fyri lið aftur á skránni, hesaferð á Skúlatrøð í Klaksvík. Kappingin byrjar kl. 10:00. 4 børn telva á hvørjum liði, og kunnu liðini gott hava útskiftarar. 5 umfør verða telvað. Talan er um kvik-talv, har ið børnini brúka klokku og fáa 10 minuttir í part til talvið, umframt, at fyri hvønn leiktan leik verða 5 sekund lagt afturat klokkuni. Tiltakið er serliga eitt gott høvi hjá nýbyrjarum at royna seg, at læra at brúka klokku og at koma at kenna talvumhvørvið og aðrar ungar talvspírar.

Av tí at ein barnatalvkapping fyri lið bleiv útsett, eru nakrar lítlar broytingar gjørdar við kalendaran við talvkappingum fyri børn og ung 2022 – 2023. Til ber til at heinta pdf fílin við nýggja kalendaranum her.

Leygardagin 22. oktober varð barnatalvkapping fyri lið telvað í Finsen í Havn. 6 lið vóru tilmeldaði, 3 í hvørjum aldursbólki, og valdu vit tí at leggja bólkarnar saman. Soleiðis sluppu øll at telva 5 umfør, øll ímóti øllum. Vinnararnir í kappingini gjørdust hesir:

Barnatalvkappingin fyri lið, fyrra undankapping, sum skuldi vera í Klaksvík t. 16. oktober, er útsett vegna ov lítla undirtøku í heystferiuni. Tí verður kappingin leygardagin 22. Oktober í Finsen í Havn fyrra undankappingin í staðin. Kappingin byrjar kl. 10:00.

Sunnudagin 16. oktober er barnatalvkapping fyri lið á skránni. Kappingin verður á Skúlatrøð í Klaksvík og byrjar kl. 13:00.

16 ára gamli føroyski telvarin Luitjen Akselsson Apol er á veg móti eini sensasjón í kappingini um EM-heitið fyri telvarar úr smátjóðum í Evropa. Telvað verður í Liktinstein.   Fyri níggjunda og seinasta umfar í morgin stendur á jøvnum millum Luitjen og spanska stórmeistaran  Henderson de la Fuente Lance, sum umboðar Andorra. Teir hava átta stig hvør, og møtast í morgin í avgerandi innanhýsis talvi um hvør av teimum vinnur kappingina.