Heim / Tíðindi / Seinastu Tíðindini / Frambrot fyri føroyska telving
Á myndini síggjast frá vinstru: Eyðun Gaard, stjóri á Námi, Helgi Dam Ziska, stórmeistari og nýggjur talvráðgevi í føroyska skúlaverkinum, Rigmor Dam, landsstýriskvinna, og Finnbjørn Vang, formaður í Talvsambandinum.

Frambrot fyri føroyska telving

Føroyski stórmeistarin í talvi, Helgi Dam Ziska, verður talvráðgevi í føroyska skúlaverkinum frá 1. januar 2019 at rokna. 

 – Nú allur talvheimurin hevur fagnað norsku talvhetjuni Magnus Carlsen, eru vitspent at kunngera, at vit í næstum fara inn í eitt nýtt tíðarskeið fyri føroyska telving. Fyrsti – og higartil einasti – føroyski stórmeistarin í talvi, Helgi Dam Ziska, verðurnevniliga settur í parttíðarstarv sum talvráðgevi hjá Námi frá nýggjárinum at rokna, sigur Rigmor Dam, landsstýriskvinna í mentamálum.  

Tað var í september 2016, at 28 ára gamli Helgi Dam Ziska gjørdist fyrsti føroyskistórmeistarin í talvi. Síðan hevur javnan verið umrøtt, hvussu vit best kunnu heiðraog gagnnýta hesa stórhending, so hon eisini kemur føroyskari telving og samfelagnum øllum til góðar.  

Tí hevur Mentamálaráðið í eina tíð arbeitt við ymsum møguleikum, og nú er einsamstarvsavtala fingin í lag millum Nám, Talvsamband Føroya og Helga Dam Ziska. Avtalan inniber, at føroyski stórmeistarin verður settur í parttíðarstarv sum talvráðgevi hjá Námi – og tað verður fíggjað av játtanini hjá Talvsambandinum.  

Helgi er fegin um nýggju avbjóðingina, og hann hevur í avtaluni tryggjað sær, at hann eisini fær tíð og umstøður til at menna seg sjálvan sum telvara. Tískil verðurtalan um parttíðarstarv, har hann fyrst og fremst skal leggja lærarum lag á.  

Og fyri Talvsambandið er tað ein fyrimunur, at talvførleikarnir úti á skúlunum verðalyftir upp á eitt enn hægri støði við hesi avtaluni og førleikum stórmeistarans, staðfestir Finnbjørn Vang, formaður í Talvsambandinum.  

– Eg fegnist um, at vit nú fáa brúkt tann kunnleika og ta vitan, sum stórmeistarinhevur á økinum, til at menna lærarar – og harvið eisini næmingarnar, sigur Rigmor Dam. 

Og talváhugin sæst eisini aftur í politikkinum. Í samgonguskeiðinum er játtanin øktvið 400 túsund krónum, nú Føroyar hava fingið sín fyrsta stórmeistara í talvi. Og í fíggjarlógaruppskotinum fyri 2019 hevur landsstýriskvinnan hartil lagt 100 túsundkrónur omaná.  

 – Tað er hugaligt at síggja, at telving er eitt, sum vit kunnu samstarva um tvørturum floksmørk. Júst samstarvið millum Nám og Talvsambandið er íkomið, eftir at eittsamt Løgting tók undir við uppskoti til samtyktar frá Jákupi Mikkelsen úrFólkaflokkinum, um at seta á stovn starvsskipan fyri føroyska stórmeistaran, greiðirRigmor Dam frá. 

 – So vit kunnu siga, at hóast tað mangan tykist trupult at finna breiðar politiskar semjur, so eru fólk í øllum føri á einum máli um týdningin av telving, sigur Rigmor Dam, landsstýriskvinna og leggur afturat, at telving eigur eitt natúrligt pláss í skúlunum, sum liður í almenna og fakliga dannilsinum.  

Hópin av kanningum vísa, at børn og ung mennast á so nógvar hættir av at telva. Bæði tá ið umræður evnini til hugsavnan og djúphugsni, umframt at hugsastrategiskt og analytiskt. Og so ikki um at tala sosiala vinningin, tá ið næmingarhittast í friði til mangan drúgva leikin á talvborðinum. 

– Talv og telving stendur hartil sum ein góð mótvekt til tann skjóta lættisoppaheimin á sosialu miðlunum, sum okkara næmingar dagliga eru partur av, vísirlandsstýriskvinnan á. 

Sáttmálin millum Helga Dam Ziska, Talvsambandið og Nám varð undirskrivaður í dag, 19. desember. 

Sí eisini

Aðalfundur verður 15. apríl 2024

Aðalfundurin hjá Talvsambandi Føroya verður mánadagin tann 15. apríl 2023 kl. 19:00 í Skúlanum á Giljanesi.