Heim / Tíðindi (síða 53)

Tíðindi

NM fyri gentur í Íslandi í vikuskiftinum

Herborg og Sára hava áður verið í NM-orrustu og hava staðið seg sera væl ímóti javnaldrunum úr hinum Norðurlondunum, har heiðursmerkir eru komin til høldar.

Herborg luttekur í U20-bólkinum og er seedað nr. 4, har Inna Agrest, úr Svøríki, sýnist favorittur eftir styrkitalinum at meta. Sára er seedað nr. 5 í U16-bólkinum, meðan Signhild og Hanna eru seedaðar ávikavíst nr. 2 og nr. 7 í yngsta U13-bólkinum.

Fylgið kappingini á hesi leinkjuni: NM 2010 har 2 talv úr hvørjum bólki verða send LIVE hvørt umfarið. 

Telvað verða 5 umfør.

Skráin:

1. umfar, fríggjadag, kl. 19.30

2. umfar, leygardag, kl. 11.00

3. umfar, leygardag, kl. 17.30

4. umfar, sunnudag, kl. 11.00

5. umfar, sunnudag, kl. 17.30 

 

  

 

Arctic Chess Challenge – fyrsti av tveimum pørtum

Eftir drúgva ferðing via Vágar-Keypmannahavn-Riga var tað gleðiligt at uppliva norskt gestablídni, so skjótt vit fingu beinini niður at í Tromsø. Fyrireikararnir stóðu á flogvøllinum og tóku ímóti, so hvørt sum eg og hinir telvararnir høvdu fingið viðførið til høldar, og sum góðir vertir syrgdu teir fyri, at vit komu á hotellið í øllum góðum. Hetta skuldi tó vísa seg einans at vera toppurin av ísfjallinum, tí kappingin var í allar mátar framúr væl fyriskipað. Grundviðurskifti sum talvhøli, útgerð og analysurúm (við kafé!) vóru øll til UG, og fyrireikarar og dómarar vóru altíð fyrikomandi og hjálpsamir. Harafturat vóru nógv ymisk tiltøk á skránni, bæði áðrenn og eftir umførini. Umframt snarkapping og siðbundnu grillveitsluna, sum tey allar flestu tóku lut í, skipaðu fyrireikararnir fyri fiski-, fjallgongu- og bátatúrum nærum hvønn dag (og fyri sera sámiligan prís). Arctic Chess Challenge hevði sostatt eisini nógv at bjóða teimum, sum ikki vóru komin fyri at sita í kamarinum og studera talvvariantar 24-7. Kappingin kann avgjørt viðmælast!

Til telvingina. Eftir 2. umfar, har eg mátti lúta móti lágtrataða, men vælleikandi svianum, Kent Angskog (2204), í einum sera fløktum talvi, vóru vánirnar fyri einum ordiliga góðum úrsliti ikki av teim bestu. Fyri at javnviga eitt tap móti einum 2200-telvara krevst við mínum ratingtali ein sigur móti einum 2650-telvara, so hetta tapið kom sum eitt ordans skot fyri bógvin. Eg kom tó á stevið aftur við sigrum í 3. og 4. umfari og tveimum kærkomnum javnleikum í 5. og 6. umfari, móti ávikavist GM Vladimir Burmakin (2605) úr Russlandi og GM Alexander Moiseenko (2667) úr Ukraina. Endaliga úrslitið var í tráð við væntaðu úrtøkuna: 5½ stig av 9 møguligum og ein lítil ratingframgongd á 2 stig. Eg telvaði fleiri lang og tøtt talv móti sterkari mótstøðu, og kappingin var sostatt góð upphiting til Olympiaduna í Khanty-Mansyisk, sum byrjar um ein góðan mánaða. Kappingin varð annars vunnin av russanum, GM Mikhail Kobalia, sum hevði betri mótstøðustig enn GM Manuel Leon Hoyos úr Meksiko. Teir fingu báðir 7½ stig.

 

Niðanfyri havi eg viðmerkt talvið frá 4. umfari:

 

(166) Ziska ,H – Dolzhikova,O [C28]
Arctic Chess Challenge 2010 (4), 03.08.2010
[Helgi Dam Ziska]
Talvið er frá 4. umfarið, mótstøðukvinnan er WGM Olga Dolzhikova (2263) frá Ukraina. Eg havi valt at viðmerkja talvið uttan hjálp frá Fritz ella øðrum talvforritum. Hetta fyri at geva eina betri fatan av mínum egnu tankum um talvið heldur enn at borðreiða við eini rúgvu av telduvariantum. 1.e4 e5 2.Nc3 Nf6 3.Bc4 Nc6 4.d3 Na5 5.Qf3 Eg havi fyrr spælt bæði Rige2 og Ff3 í hesi støðuni, men eftir sum eg í fyrireikingunum til talvið hevði lagt størsta dentin á Drekafrábrigdið í Sisilionskum, sum Dolzhikova eisini spælir, valdi eg at yvirraska kvinnuliga stórmeistaran. 5…c6 6.Bg5 [6.a4 er møguliga neyvari; tá verður svartur noyddur at taka á c4, og hvítur fær spæl eftir d-linjuni: 6…Nxc4 7.dxc4] 6…b5!? Ein roynd at revsa fyrra leikin hjá hvítum: svartur nýtir høvið at breiða seg út á frúgvasíðuni. 7.Bb3 Be7 8.Nge2 Diagram

(166) Ziska ,H – Dolzhikova,O [C28]

Arctic Chess Challenge 2010 (4), 03.08.2010

[Helgi Dam Ziska]

Talvið er frá 4. umfarið, mótstøðukvinnan er WGM Olga Dolzhikova (2263) frá Ukraina. Eg havi valt at viðmerkja talvið uttan hjálp frá Fritz ella øðrum talvforritum. Hetta fyri at geva eina betri fatan av mínum egnu tankum um talvið heldur enn at borðreiða við eini rúgvu av telduvariantum. 1.e4 e5 2.Nc3 Nf6 3.Bc4 Nc6 4.d3 Na5 5.Qf3 Eg havi fyrr spælt bæði Rige2 og Ff3 í hesi støðuni, men eftir sum eg í fyrireikingunum til talvið hevði lagt størsta dentin á Drekafrábrigdið í Sisilionskum, sum Dolzhikova eisini spælir, valdi eg at yvirraska kvinnuliga stórmeistaran. 5…c6 6.Bg5 [6.a4 er møguliga neyvari; tá verður svartur noyddur at taka á c4, og hvítur fær spæl eftir d-linjuni: 6…Nxc4 7.dxc4] 6…b5!? Ein roynd at revsa fyrra leikin hjá hvítum: svartur nýtir høvið at breiða seg út á frúgvasíðuni. 7.Bb3 Be7 8.Nge2 Diagram 

T1-Diagram1

 

 

 

 

 

 

 

 

 

 

 

 

 

8…Nxb3?! Men hetta er høpisleyst: hvíti bispurin fer ongan veg, og tí er tað betri at bíða við avbýtinum, til hvítur antin leikar a3 ella c3 seinni. 9.axb3 0–0 10.Ng3 g6 Hetta er nakað vágið. Tó so, við kreativum spæli varðveitir hvítur eisini ein lítlan fyrimun móti øðrum royndum: [10…h6 11.h4!? var ætlanin hjá mær. Hvítur varðveitir eitt ávíst trýst á kongasíðuni, t.d.: 11…d6 12.Nf5 Bxf5 13.Qxf5 g6 14.Qh3!; 10…d6 11.Nf5 Bxf5 12.Qxf5²] 11.Bh6 Re8 12.Nf5!  Diagram

T1-Diagram2

 

 

 

 

 

 

 

 

 

 

 

 

 

12…Bc5 [12…gxf5? gongur ikki, tí 13.Qg3+ Ng4 14.exf5 Kh8 15.Qxg4 Rg8 16.Qf3 gevur hvítum stóran fyrimun.] 13.Ne3 Be7 Støðan er tann sama sum eftir 11…Re8 við tí muni, at riddarin er komin frá g3 til e3. Hetta er sjálvsagt til fyrimun fyri hvítan, tí á g3 gjørdi riddarin einki, eftir at 10…g6 tók f5- og h5-puntarnar frá honum, men frá e3 hevur hann ræði á teimum týdningarmiklu d5- og g4-puntunum. 14.Bg5 Fyri at steðga d5. Men her var h4 áhugavert og helst eisini sterkari: [14.h4 b4 15.Ne2 d5 16.h5! Diagram

T1-Diagram3

 

 

 

 

 

 

 

 

 

 

 

 

 

við fyrimuni til hvítan.16…d4? er ikki ein hóttan her, tí eftir 17.Nc4 Bg4?! 18.Qg3 Bxh5 19.f3! hevur hvítur vinnandi fyrimun. Svartur missir bispin á h5 eftir Fxx og g2-g4, og hann hevur veikleikar á frúgvasíðuni og í sentrum.] 14…d6 15.h4?! Ov bráðsinnað. Orsøkin til, at hesin leikurin ikki er eins sterkur nú, er, at støðan hjá bispinum á g5 gevur svørtum betri verjumøguleikar enn frammanundan. [15.0–0 við ætlanini at spæla Rfd1 og d4 er betri. Hvítur hevur lítlan fyrimun] 15…Nh5! Diagram

T1-Diagram4

 

 

 

 

 

 

 

 

 

 

 

 

 

Hesin leikurin vísir, hví 14. Bg5 var óneyvt. Um bispurin enn hevði staðið á h6, hevði hesin leikurin einfalt verið svaraður við g2-g4.[15…Kg7 16.g4 h6? 17.Bxh6+! Kxh6 18.g5+ Kg7 19.gxf6+ Bxf6 20.h5± var tað, eg hevði í kvittanum.] 16.Bxe7 [Trupulleikin er, at 16.g4?! Bxg5 17.hxg5 Nf4 ongan veg førir fyri hvítan.] 16…Qxe7 17.Ne2 Qf6?! Hetta kom sum eitt gleðiligt yvirraskilsi. Leikurin er í sjálvum sær fínur, men ?! verður sett við, av tí at svartur hereftir verður noyddur at leika sera neyvt fyri at varðveita javnvágina. Støðan er meira afturlatin enn opin, og tískil lúrir vandin, at svartur endar við einum vánaligum bispi móti einum góðum riddara hjá hvítum. [17…Be6 18.g4 Nf6 19.Ng3 a5 er helst neyvari. Støðan er jøvn, tí hvítur hevur ongar ítøkiligar álopsmøguleikar.] 18.Qxf6 Nxf6 19.Ra5 Diagram 

T1-Diagram5

 

 

 

 

 

 

 

 

 

 

 

 

 

 

Fyri at steðga a7-a5.19…a6 20.f3 [20.Kd2 er sterkari: 20…d5 21.exd5 cxd5 22.c3 Bb7 23.f3!² (verjir fyri skáki á e4) og d3-d4 kemur næstu ferð. Hvítur hevur positionella yvirvág, tí eftir d4 verður bispurin á b7 innistongdur aftanfyri liðfelagar sínar á a6, b5 og d5.] 20…Bb7 21.Kf2 Ætlanin er at spæla Rd1 og d3-d4. 21…d5 22.exd5 cxd5? [22…Nxd5 er rætti leikurin: 23.Nxd5 cxd5 24.d4 f6! (svartur má ikki loyva hvítum at taka á e5 og seta riddaran á d4) 25.b4 og javnleikur er mest sannlíka úrslitið, hóast hvítur enn hevur lítlan fyrimun. Ein ætlan er at taka á e5 einaferð í framtíðini og síðani undirminerað svørtu miðjuna við f3-f4 fyri at fáa riddaran niðan á d4.] 23.d4! Diagram

T1-Diagram6

 

 

 

 

 

 

 

 

 

 

 

 

 

 

Tað er týdningarmikið at festa svørtu finnurnar á hvítar puntar fyri at avmarka bispin á b7. Nú hevur hvítur greiðan fyrimun: innilæsti bispurin á b7 er passivur, og finnurnar á a6 og d5 eru veikar. 23…e4 24.b4 Riddarin kemur nú niðan á c5 via c1–b3-c5. Allar svørtu finnurnar eru á hvítum puntum, og tað er lætt at síggja, at tann svarti bispurin á b7 ikki er verdur 3 finnur longur. Restin av talvinum er rættiliga líkatil. 24…exf3 25.gxf3 Re7 26.Nc1 Rae8 27.Re1 Nh5 28.Nd3 Ng7 29.Raa1 Rókurin hevði tænt sína skyldu á a5. 29…Ne6 30.c3 Nc7 31.b3 Ætlanin við hesum verður avdúkað um tríggjar leikir. 31…f6 32.Rad1 Kg7?! [32…Kf7 er sterkari, men hvítur hevur framvegis greiðan fyrimun.] 33.Nc5 Bc8 34.c4! Diagram 

T1-Diagram7

 

 

 

 

 

 

 

 

 

 

 

 

 

34…Rd8?? [34…Be6 er frægasti leikurin, men hvítur hevur góðar møguleikar at vinna eftir 35.Nxe6+ Rxe6 36.cxd5 Rd6 37.Rc1 Rd7 (37…Nxd5? 38.Nf5+) 38.d6 Ne6 39.Rc6 Nxd4 40.Rc7!; 34…bxc4 35.bxc4 dxc4 36.d5 Nb5 (hvítur hótti at spæla d6) 37.d6 Rf7 38.d7+- var høvuðstankin handan 34.c4] 35.Nf5+ 1–0

 

Arctic Chess Challenge – seinni partur

                      Hetta skuldi tó vísa ikki at vera tann býttasta avgerðin, tí tá avtornaði var eg ájavnur GM Loek Van Wely (2677) á fyrstaplássinum. Vit fingu báðir 7½/9 (hann hevði tó betri mótstøðustig). Sum vera man vórðu flestu talvini rættiliga rokalig, tá ið tað fór at standa á við tíðini, men her riggaði tíbetur væl hjá mær, og eg megnaði ferð eftir ferð at koppa mótstøðumonnunum í síðstu sekundunum. Serliga minnisríkt var talvið móti GM Farid Abbasov (2549). Vit koma inn í talvið í eini avgerandi løtu:

Eg havi 40 sekund; mótstøðumaðurin tveir minuttir. Við eitt ofrar hann eina hálva talvmanning í eini hættisligari atsókn móti konginum hjá mær. Bispur, riddari og rókur verða tveittir í eldin fyri at reka svarta kongin frá g8 niðan á h5 og haðani yvir á e4. Eg noyðist at finna nakrar neyvar leikir fyri at yvirliva, men tað kostar tíð. Eg standi eftir við einans tíggju sekundum, og tað sær kolasvart út.

Abbasov hevur um hálvan minutt at spinna mátnetið, men hvat? Tráðurin slitnar! Kongurin er ikki til at hava við at gera. Hann smýgur sær sum ein hálur álur í fíggindalendinum, meðan hann høggur frá hond allastaðni, har hann kann. Nú skilja vit báðir, at stórmeistarin ikki hevur nóg nógv fólk at seta mát við. Rókurin, sum hann hevur eftir, er innibyrgdur av svørtum og hvítum finnum, og frúgvin megnar tað ikki einsamøll.

Stór fjøld er nú savnað um borðið. Tað stendur á gomlum nøglum hjá stórmeistaranum. Hann skákar við frúnni nakrar ferðir og klárar at tveita tvær finnur afturat í eldin, men so er einki skák eftir. Abbasov velur neyðloysnina, ofrar innibyrgda rókin og síðani frúnna í eini roynd at flagga meg. Men nú stendur einsamalli kongurin hjá honum spillnakin í móti svarta herinum. Frúgv og rókar fara sendandi mótvegis tí hvíta konginum. Trý sekund eftir, mát í fýra-fimm. Skák, skák, skák, og kongurin hjá honum er kroystur í hornið. Við einum sekundi eftir eri eg klárur at siga skákmát næsta leik, og Abbasov velur at geva skarvin yvir.

 

(169) Moiseenko,A (2667) – Ziska,H (2426) [E70]

Arctic Chess Challenge Tromso NOR (6), 05.08.2010

[Helgi Dam Ziska]

Hetta talvið varð telvað í 6. umfari. Mótstøðumaðurin var GM Alexander Moiseenko (2667), sum var seedaður sum nummar 2 í kappingini. Eg var greiður yvir, at tung mótbrekka lá fyri framman, men samstundis var eg við gott mót eftir góðu úrtøkuna seinastu umførini. 1.d4 Nf6 2.c4 g6 3.Nc3 Bg7 4.e4 d6 5.Bd3 0–0 6.Nge2 Ein heldur óvanlig uppseting móti Kongaindisku byrjanini. Megintankin handan uppsetingina er at halda møguleikanum at spæla f2-f4 opnum. Um svartur spælir …f7-f5 í framtíðini, er hvítur klárur at seta tøpp í eitt møguligt svart kongaálop við exf5 og f2-f4. Ein vansi við uppsetingini er tó, at e2 ikki er tann besti punturin fyri riddaran. 6…Nc6 7.0–0 Nh5 8.Bc2 e5 9.d5 Ne7 10.Kh1 f5 11.exf5 Nxf5 [11…gxf5 (høvuðsvarianturin) 12.f4 Ng6 13.Ng1! Qh4 14.Nf3 varð telvað umfari fyri í Moiseenko-Westerinen. Í tí talvinum reiv Moiseenko svørtu støðuna sundur trygt og einfalt, so eg metti tað vera skilagott at velja aðrar leiðir.] 12.Ne4 Diagram

T2-Diagram1

 

 

 

 

 

 

 

 

 

 

 

 

 

Hvítur broytir ætlan, nú svartur hevur tikið á f5 við riddaranum. Riddarin stendur væl á e4, har hann altíð kann fáa stuðul frá hinum riddaranum á e2, um svartur roynir at býta av. Ætlanin er nú at spæla Bg5, Fd2, Rae1 og fyrireika f4. Um hetta mundið kom eg í eina tvístøðu. Eg var rættiliga vísur í, at 12…Rif6 var rætta framhaldið her, men eg hevði gloymt fyrireikingarnar eftir tað. Mótstøðumaðurin hevði einans brúkt tveir minuttir og kendi týðiliga byrjanina út og inn (tað hevði eg sæð í fyrireikingunum). Eg vildi ikki standa sum pinnur í lorti eftir at hava fingið skeggið í postkassan í einum langum teorivarianti og valdi tískil at yvirraska hann:12…Nd4?!N Sbt. mínum databasa er hesin leikurin ikki royndir áður, men tíverri er hann einki serliga góður. Tað er eingin grund til at hjálpa hvítum av við vánaliga riddaran á e2. [12…Nf6 er rætti leikurin. Eftir 13.Bg5 Qe8 er støðan so at siga jøvn.] 13.Nxd4 exd4 14.Bg5 Qe8 15.Qd2 Bf5 16.Rae1 Qd7 Diagram

 

T2-Diagram2

 

 

                     

 

 

 

 

 

 

 

 

 

Hetta var støðan, eg hevði miðjað eftir við 12…Rid4. Tað er einki at siga til, at hvítur hevur fyrimun, men eg var kortini hampiliga nøgdur við, hvussu byrjanarspælið hevði lagað seg. Ætlanin hjá svørtum er einføld: at spæla …Rae8 og býta so nógv fólk sum møguligt av í e-linjuni.[Endiliga ikki 16…Qf7?? 17.Nxd6! og hvítur vinnur.] 17.f3 Byrjanin upp á eina skeiva ætlan. [17.Re2 Rae8 18.Rfe1± er besta framhaldið, sbt. Fritz] 17…Rae8 18.g4?! Yvirambitiøst: tað er ikki nógv meining í at noyða svartan at náða sínum máli (at býta av) og samstundis skapa veikleikar í síni egnu støðu. Nú er støðan jøvn aftur. 18…Bxe4 19.Bxe4 Nf6 20.Bc2 Diagram

 

T2-Diagram3

 

 

 

 

 

 

 

 

 

 

 

 

20…Rxe1 Her hevði tað møguliga verið neyvari at varðveitt spenningin og bíða, til hvítur býtti av. [20…c5 við ætlanini …b7-b5 var ein góður møguleiki. Hvítur kann ikki vinna finnuna á d4, tí eftir 21.dxc6 bxc6 22.Qxd4? hevur svartur 22…Ne4! við nærum avgerandi fyrimuni.] 21.Rxe1 Re8 22.h3 [22.Rxe8+ Qxe8 23.Qxd4 Qe2! Diagram

T2-Diagram4

 

 

 

 

 

 

 

 

 

 

 

 

 

var ein týdningarmikil variantur, sum mátti roknast, áðrenn eg spældi 20…Rxe1. Men her er einki at ræðast hjá svørtum, t.d.:24.Qd3 Qf2! (hóttir …Rixg4 og …Be5) og tað er hvítur, sum má ansa sær. ] 22…c5 23.Bd3 Rxe1+ 24.Qxe1 Qe8?! [24…Kf8 (fyri at fyrireika …Fe8) var tryggari.] 25.Qe6+! Diagram

 

T2-Diagram5

 

 

 

 

 

 

 

 

 

 

 

 

 

[Eg metti ikki endatalvið eftir 25.Qxe8+ Nxe8 at vera so vandamikið. Støðan er rættiliga læst, og hvíta bispinum hjá hvítum vantar pláss. ] 25…Qxe6 26.dxe6 Kf8 27.f4 Ke7 28.f5 h6 29.Bd2 g5 Svartur roynir at læsa støðuna fyri at avmarka hvítu bisparnar. [Her sigur Fritz, at 29…d5 gevur svørtum meira ella minni javnt spæl, men tað er sjálvandi eisini vágið at opna støðuna á henda hátt.] 30.Kg2 Ng8! Diagram

 

T2-Diagram6

 

 

 

 

 

 

 

 

 

 

 

 

 

Riddarin kemur nú niðan á e5 via g8-e7-c6. Bispurin stillar seg á f6, og kongurin fer yvir á c7. Hetta er rætta verjustøðan hjá svørtum.[Fritz mælir enn til  30…d5 , men mestur er tað, tí at forritið ikki hevur skil fyri læstu støðuni.] 31.Be4 [31.b4 var ein meira avbjóðandi leikur. Tó so, svartur klárar seg eftir 31…b6 32.Be1!? (hvítur ætlar at taka á c5 og fáa bispin niðan á g3) 32…Be5! (forðar Bg3)(32…Kd8 33.bxc5 dxc5 34.Bg3 sær hættisligt út.) ] 31…b6 32.Kf2 Kd8 Kongurin fer yvir á frúgvasíðuna at verja. 33.Ke1 Ne7 34.Kd1 Kc7 35.Kc2 Bf6 36.Kb3 Eg var ikki heilt vísur í, hvat mótstøðumaðurin hevði í kvittanum er. Um hann ætlar sær at vinna, verður hann noyddur at spæla b2-b4, og tað er eingin grund til at bíða. 36…Nc6 37.Ka4 a6 38.a3 Ne5 39.Kb3 Kc8 Svartur hevur stillað seg upp á skilagóðan hátt og kann nú bara bíða, til hvítur fer at royna at bróta ígjøgnum. 40.Be1 Kc7 41.Bg3 Diagram

 

T2-Diagram7

 

 

 

 

 

 

 

 

 

 

 

 

 

41…b5!? Eftir ein hálvan tíma í tænkeboksini valdi eg her at royna at fáa finnurnar á rull heldur enn at spæla upp á tað trygga. [Bíðileikurin 41…Kc8 var tann tryggari (men passivi) møguleikin: 42.Bd5 Kc7 43.Kc2 Kc8 44.b4 Kc7 45.Kb3 (45.bxc5 bxc5 46.Be1 Kb6 og eg dugi ikki at síggja, hvussu hvítur skal koma víðari.) 45…Be7 46.bxc5 bxc5 47.Ka4 Kb6 48.Be1 Nc6 Diagram

T2-Diagram8

 

 

 

 

 

 

 

 

 

 

 

 

 

og svartur heldur tørn. Tað er áhugavert, at Fritz gevur hvítum vinnandi fyrimun í hesi støðuni!] 42.cxb5 Hetta tykist nakað vágið, tí svørtu finnurnar gerast nú sera vandamiklar. Tó so, um hvítur skal vinna, er hetta einasti vegur fram. 42…axb5 43.a4?! Men hetta er óansið, tí nú fær svartur gott spæl á frúgvasíðuni. 43…Kb6 44.Be1 c4+ 45.Ka3 d5! Hetta var helst tað, sum ukrainski stórmeistarin hevði yvirsæð. Svartur er  komin fyri seg. 46.Bxd5 Nd3 47.Bd2 [Sjálvandi ikki 47.Bg3?? Be7+ 48.Ka2 Nb4+ og svartur vinnur.] 47…Kc5 48.Be4 b4+ 49.Ka2 Nf2 50.Bf3 Nd3 Diagram

T2-Diagram9

 

 

 

 

 

 

 

 

 

 

 

 

Her gjørdist eg greiður yvir, at javnleikur var tað besta, eg kundi fáa burtur úr, og legði tí upp til leikendurtøku. Svartur hóttir …c4-c3, so hvítur noyðist at hótta riddaran. Eg helt, at Be4 var einasti leikur, og ætlaði tá at taka javnleikin við …Rif2. Men so skuldi ikki vera![50…c3 51.bxc3 bxc3 sær gott út, men er í roynd og veru hættisligt fyri svartan: 52.Bc1 Kc4 53.a5! Kb5 54.Kb3 (hvítur hóttir Ba3) 54…d3 55.Be3 Nxh3 56.a6!? Kxa6 57.e7 Bxe7 58.Kxc3± og kongurin hjá svørtum er avskorin.] 51.Be2!? Ein brølari?! Nei, bara ein lítil fella… 51…Nxb2? Gonk! Nú helt eg, eg var á sigurskós. Men næsti leikurin hjá hvítum var mær ein ordans hvøkkur. [51…Nf4 var lættast. Støðan er púra jøvn sbt. Fritz.] 52.e7! Einasti leikur, sjálvandi. Vit fáa nú eitt endatalv við ólíkalittum bispum, men orsakað av hvítu frífinnunum er svartur í svárari kreppu. 52…Bxe7 53.Kxb2 c3+ [53…Bf6? gongur ikki orsakað av 54.Bxc4! Kxc4 55.a5 og hvítur hevur vinnandi fyrimun.] 54.Kc2 cxd2 Diagram

T2-Diagram10

 

 

 

 

 

 

 

 

 

 

 

 

 

Ein avgerandi løta. Hvítur misnýtir ein gyltan møguleika við:55.Kxd2? [55.a5! var vegurin til Róm. Sum Nimzowitsch og aðrir hava gjørt greitt: “Passed pawns must be pushed!”  55…d3+ (55…b3+!? 56.Kxd2 Kc6 57.a6 Kb6 58.Bd3 (við ætlanini at spæla Kc1–b2-xb3) og hvítur vinnur.; Tað sama er galdandi fyri 55…Bd8 56.a6 Kb6 57.Kxd2 b3 58.Bd3+-) 56.Bxd3 Bf6 57.Kxd2 b3 58.Ke3 b2 59.Ke4 Kd6 60.a6 Kc6 61.a7 Kb7 62.Kd5 og hvítur vinnur.] 55…Kb6 Fyri at steðga a5! 56.Bd1 Kc5 57.Bb3 [Nú er sjálvandi ov seint við a5: 57.a5? Kb5] 57…Bd8 58.Kd3 Bf6 59.Ke4 Bg7 Tað er týdningarmikið at hava bispin á a1–h8 diagonalini, soleiðis at hvíti kongurin ikki sleppur inn via e5. 60.Bf7 Bh8 61.Kd3 Bf6 62.Bb3 Bh8 63.Bd1 [63.Bc4 var ein roynd at fáa a4-a5 í gjøgnum, men støðan er ikki so greið eftir 63…Kb6 64.Ke4 Kc5 65.Bd3 b3 66.a5 b2 67.a6 Kc6! (forðar hvíta konginum at treingja inn via d5)] 63…Bf6 64.Kc2 Bd8 Nú fer bispurin á hina diagonalina fyri at verja a5. 65.Be2 Kb6 66.Kb3 Kc5 67.Bd3 Ba5 Diagram

T2-Diagram11

 

 

 

 

 

 

 

 

 

 

 

 

 

Hvítur má ikki sleppa at spæla a5.68.f6 Tað er ilt at síggja, hvussu hvítur annars skal bróta ígjøgnum.Undir talvinum helt eg (og óivað Moiseenko við), at hetta var mønustingurin, men tað vísti seg, at eg hevði ein trumf eftir í ermuni…  68…Kd6 69.Bc4 d3! Hetta kom dátt við hjá stórmeistaranum, sum sakk niður í stólin og fór at rysta við høvdinum. [69…Kd7 70.Kc2 Ke8 71.Kd3 Bb6 72.Ke4 Diagram

T2-Diagram12

 

 

 

 

 

 

 

 

 

 

 

 

 

sær út til at vinna hjá hvítum.] 70.f7 [Svartur klárar seg eisini eftir 70.Bxd3 Ke6 71.Kc4 b3 72.Kxb3 Kxf6 73.Kc4 Ke7! 74.Kb5 Be1 75.a5 Kd8 76.Kb6 Kc8=] 70…Ke7 71.Kb2 Bb6 72.Kc1 Be3+ 73.Kd1 Kf8 74.a5 Ke7 75.a6 Kf8 76.Ke1 Ke7 77.Kf1 Kf8 78.Bb3 Ke7 79.Kg2 Ba7 80.Kf3 Kf8 81.Bc4 [Ella: 81.Ke4 d2 82.Kd5 Kxf7 83.Kc6+ Kf6 84.Kb7 Be3 85.a7 Bxa7 86.Kxa7 h5! 87.Kb6 h4 88.Kc5 Ke5 89.Kxb4 Kf4 90.Kc3 Kg3 91.Kxd2 Kxh3 92.Bd1 Kg3 93.Ke3 h3= Diagram

T2-Diagram13

 

 

 

 

 

 

 

 

 

 

 

 

 

er eisini javnt] 81…Bg1! Bispurin stendur betur á g1, tí um hvítur hevði farið niðan eftir við konginum, hevði hann vunnið eitt tempo, tá hann kom til b7. Tað ger hann ikki nú. 82.Ba2 Ke7 83.Bb3 Kf8 84.Kg2 Ba7 85.Kf1 Ke7 86.Ke1 Be3 87.Bc4 Kf8 88.Kd1 Ke7 89.Ba2 Kf8 90.Ke1 Ke7 91.Bb3 Kf8 92.Kf1 Ke7 93.Kg2 Ba7 94.Kf3 Bg1 95.Ke4 d2 96.Kf5 d1Q 97.Bxd1 Kxf7 98.Bb3+ Kg7 99.Ke6 h5! Diagram

T2-Diagram14

 

 

 

 

 

 

 

 

 

 

 

 

 

Tað lættasta. Hvítur kann ikki vinna, av tí at hann hevur tann skeiva bispin (bispurin skuldi havt sama lit sum broytingspunturin h8 fyri at vunnið).Eg hevði einans tveir minuttir eftir her, og mótstøðumaðurin royndi tí at trýsta meg eina løtu afturat. Har var tó einki at fara eftir, og restini av talvinum nýtist ikki viðmerkingar.100.gxh5 Kh6 101.Bd1 b3 102.Bxb3 Kxh5 103.Bd1+ Kh6 104.Kd7 Kh7 105.Kc6 Kh8 106.Kb7 Kg8 107.a7 Bxa7 108.Kxa7 Kh8 109.Kb6 Kg8 110.Kc6 Kh8 111.Kd6 Kg8 112.Ke6 Kh8 113.Kf6 Kg8 114.Bh5 Kh8 115.Bf7 Kh7 116.Ke7 Kh8 117.Kf8 Kh7 118.Be6 Kh8 119.Kf7 Kh7 120.Kf6 Kh8 121.Bf5 Kg8 122.Kg6 Kh8 123.Kh6 Kg8 124.Bg4 Kh8 125.Kh5 Kg8 126.Bd1 Kh8 127.Kg6 Kg8 128.Kf6 Kh8 129.Bb3 Kh7 130.Kf7 Kh8 131.Bd1 Kh7 132.Bh5 Kh8 133.Kg6 Kg8 ½–½

 

snarkapping

 

 

 

 

 

 

 

 

 

 

 

 

 

 

 

Tíanverri minnist eg ikki talvini frá snarkappingini serliga neyvt, men eg havi til stuttleika endurskapt talvið frá síðsta umfari eftir minninum. Mótstøðumaðurin var GM Levon Babujian:

 

(167) Babujian,L – Ziska,H [E67]

Arctic Chess Challenge 2010 – BLITZ (9), 05.08.2010

1.d4 Nf6 2.c4 g6 3.Nc3 Bg7 4.g3 0–0 5.Bg2 d6 6.Nf3 Nbd7 7.0–0 e5 8.h3 a6 9.e4 b5 10.dxe5 dxe5 11.b3 c6 12.Ba3 Re8 13.Rc1 Qa5 Diagram

ST-1

 

 

 

 

 

 

 

 

 

 

 

 

 

14.Bb2 b4 15.Na4 Nxe4 16.Re1 f5 17.g4 Ndc5 18.Nxc5 Qxc5 Diagram

ST-2

 

 

 

 

 

 

 

 

 

 

 

 

 

19.Rxe4 fxe4 20.Ng5 e3 21.Ne4 exf2+ 22.Kh1 Qe3 23.Qd6 Bxg4 Diagram

ST-3

 

 

 

 

 

 

 

 

 

 

 

 

 

 

24.Qxc6 Bxh3 25.Rf1 Rac8 26.Qd5+ Be6 27.Qd2 Qxd2 28.Nxd2 e4 Diagram

ST-4

 

 

 

 

 

 

 

 

 

 

 

 

 

29.Bxg7 e3 30.Bd4 exd2 31.Bf3 Bh3 32.Rxf2 d1Q+ 33.Bxd1 Re1+ 34.Kh2 Rxd1 Diagram

ST-5

 

 

 

 

 

 

 

 

 

 

 

 

 

Um nakar er áhugaður í at fáa talvini, eg havi viðmerkt, í pgn-formati, kunnu tit seta tykkum í samband við meg á helgidz@hotmail.com.

 

Innbjóðing: Steypakapping 2010 og Talvgalla við Gjógv

Umframt kappingina er endamáli at draga samanum farna kappingarárið 2009/10 – og við Gallaveitsluni – ikki minst, at øll sum vara av telvingini fáa eina hugnaliga løtu saman. Og tað er at frøðast um, at alt fleiri telvarar taka makarnar við til endabrestin ! Tá samanum kemur eru vit jú øll í somu skútu.

Skráin:

  • kl. 11.00 – Steypakapping
  • kl. 14.00 (uml.) – steðgur og ábit
  • kl. 14.00 (uml.) – atkvøtt verður um Ársins Telvara og Ársins Stjørnuskot
  • kl. 16.00 (uml.) – Fundur við feløgini. Evaluering av farna kappingarárinum. Møgulig átøk til komandi kappingarár.
  • kl. 19.00 (uml.) – Talv Gallaveitsla. M.a. verður Ársins Telvari, Ársins Stjørnuskot kosin, umframt vakrasta talv frá FM 2010.

Kappingarreglur:

Hvørt lið verður mannað við 6 telvarum. Loyvt er at hava tveir skiftistelvarar á hvørjum liðið. Smærri feløg kunnu leggja saman eftir avtalu við TSF. Feløg kunnu luttaka við fleiri liðum.

Í kappingartalvuni verða liðini skipaði sambært úrslitinum frá Steypakappingini 2009, soleiðis, at fremstu liðini møtast síðst í kappingini. Harafturat verða innanhýsis dystir ímillum lið úr sama felag avgreiddir skjótast til ber í kappingarskipanini.

Kappingin fevnir um 9 umfør, ið verða telvaði við 15 min. umhugsunartíð til hvønn.

Stendur á jøvnum, tá um nr. 1, 2, 3 umræður, er galdandi:

  • Innanhýsis dystur
  • Dubult-umfar: Snartelving (5. min. í part til talvið)
  • 1. borð hjá liðunum: Dubult snartalv og síðani sudden-death, har hvítur hevur 5 min. og svartur 4. min. og har kravið er sigur til hvítan

Virðislønir

Ognarsteyp, ferðasteyp og medajur eru til nr. 1, 2 og 3.

Tilmelding

Tilmelding fer fram á tlf. 22 14 22 (Finnbjørn Vang) ella 79 47 22 (Jógvan Joensen). Tilmeldingarfreistin er 4. september 2010. Kostnaðurin er kr. 200 fyri hvønn telvara. Fyri onnur áhugaði er kostnaðurin kr. 250. Feløgini rinda upphæddina til TSF.

Gisting

Góðir hýsingarmøguleikar eru á Gjáargarði til sera sámuligan prís – sí nærri: www.gjaargardur.fo 

Takið lógvatak – og haldi fast – um forkunnuga talvtiltakið !

Við talvkvøðu

TALVSAMBAND FØROYA

 

 

 

 

Heiðrikur stóð seg best

Eftir 10 umfør gjørdist Heiðrikur nr. 75 av 292 telvarum, við 6 stigum, heili 111 pláss fremri enn styrkismetingina undan kappingini. Úrslitið innibar somuleiðis, at Heiðrikur vann styrkivirðislønina í sínum bólki fyri telvarar við ratingtalinum 1701-1900. Í hesi orrustu luttóku 57 telvarar.

Góða kappingin varð somuleiðis sligin fast við góðari snarkapping, har Heiðrikur vann 8. finaluplássi í stóru snarkappingini.

Rógvi Egilstoft Nielsen, úr Sandavági, gjørdist nr. 84, somuleiðis við 6 stigum, meðan Sigurð Justinussen og Herluf Hansen, úr Havn, báðir fingu 5 stig og gjørdust ávikavíst nr. 135 og 136. Vagnur Dam, úr Norðskála, bleiv nr. 240 við 3½.

Samanlagt góð kapping hjá føroyingunum, sum allir fáa ratingframgongd, har framgongdin hjá Heiðriki tó verður hin størsta.

Stórmeistarin GM Pavel Eljanov (2705) vann Politiken Cup við 8½ stigi. 

Helgi skakar í Noregi

Mikudagin varð trivaligur javnleikur fingin til høldar við hvíta fólkinum ímóti russiska stórmeistaranum GM Vladimir Burmakin við styrkitalinum 2605.

 

Hósdagin gjørdist talan um eina sanna marathon orrustu ímóti næsthægst seedaða, topp-100 telvaranum í heiminum, GM Alexander Moiseenku úr Ukraina, við styrkitalinum 2667. U16-heimsmeistarin (1996), OL-gullvinnarin í Calvia 2004, vildi treyðugt góðtaka, at hann ikki megnaði at koppa unga føroyinginum við hvíta fólkinum og helt á at trýsta.

 

Men eftir 6 tímar og heili 133 leikir, mátti Moiseenku ásanna at Helgi var ikki til at vika. Talvið endaði javnt, hóast Helgi nærum onga tíð hevði eftir á klokkuni seinastu mongu leikirnar.

 

Hóskvøldið var snartelving á skránni. 88 luttkarar møttu og megnaði Helgi eitt deilt 1. pláss saman við super-stórmeistaranum úr Hollandi, GM Loek Van Wely. Helgi vann annars Van Wely á seinastu talvolympiaduni. 

 

 Seinnapartin telvar Helgi í 7. umfari ímóti IM Espen Lie, úr Noregi, sum var norskur meistari í 2007. 

 

Fylgið kappingini á http://arcticchess.org/acc/

 

Úrslit frá snarkappingini: Far inn á leinkjuna hjá talvfelagnum í Tromsø.

 

Telva í Tromsø og Helsingør

Í Tromsø luttekur IM Helgi Dam Ziska í sterkari opnari kapping við 164 luttakarum, Artic Chess Challenge,  og hevur hann eftir fyrstu 3 umførini fingið 2 stig og er í løtuni nr. 41.

Fylgið gongdini hjá Helga: HER

Í Helsingør luttaka Rógvi Egilstoft Nielsen, Herluf Hansen, Sigurð Justinussen, Heiðrikur Tindskarð Jacobsen og Vagnur Dam í siðbundnu opnu kappingini, Politiken Cup, við heili 292 luttakarum. Herluf Hansen, úr Tórshavn, hevur higartil verið hin drúgvasti og hevur 3 stig eftir at 4 umfør eru telvd og er nr. 57 í samlaða feltinum og er hann fremstur í sínum styrkibólki. 

Fylgið gongdini hjá føroyingunum í Danmark: HER

Heimasíðurnar eru sera greiðar, tá ein vil fylgja við. Um m.a. trýst verður á “nøvnini” á telvarunum í stigatalvini, verða talvini víst, sum telvaði eru higartil. Og LIVE-telving frá teim fremstu borðunum virkar sera væl.  

 

 

Ólavsøka 2010 – úrslit