Talvsamband Føroya Faroechess

Talvini kunnu síggjast beinleiðis á hesu síðuni: https://nm2021.faroechess.com/live-games/  Fleiri upplýsingar viðv. kappingini síggjast her: https://nm2021.faroechess.com/

Í morgin fríggjadagin 9. september byrjar árliga unglingakappingin um norðurlandameistaraheitið fyri einstaklingar í talvi.    Talvsamband Føroya er í ár vertur fyri kappingini, sum verður á Hotel Føroyum. Telvað verður alt vikuskiftið. Tvey umfør eru fríggjadagin, tvey leygardagin og tvey sunnudagin.

Smuk-skak var ein vikuskiftiskapping, sum varð hildin í Skanderborg frá 20.–22. august. 80 luttakarar vóru við, og teir vóru deildir upp í 13 bólkar við 6 luttakarum í hvørjum bólki, uttan í veikasta bólkinum, har 8 luttakarar vóru. Eg var í bólkinum mester 3, sum var triðsterkasti bólkurin. Tað var ein ógvuliga javnur bólkur, har eg kanska var eitt sindur heppin at fáa fyrsta plássið við 3,5/5 stigum.

Kappingin Copenhagen Chess Festival varð hildin tann 23. – 25. juli 2021. Hóast navnið, so var hon hildin í Konventum og Højstrupgård í Helsingør. Tað var ein vikuskiftiskapping við 5 umførum, einum umfari fríggjadag, og tveimum hinar báðar dagarnar. Henda kappingin var skipað í staðin fyri stóru, árligu kappingina, Politiken/Xtracon cup, orsakað av Korona. 128 luttakarar vóru við, og teir vóru deildir upp í fýra bólkar, 32 í hvørjum bólki. Eg var í bólki B, og endaði á einum deildum 1. plássi við 4 av 5 stigum, javnur við tveir aðrar.