Talvsamband Føroya Faroechess

Hálvtannað stig skilir oddaliðini í FM-stríðnum í talvi, nú tvey umfør eru eftir í landskappingini. Vágamenn eru framvegis á odda, men havnarmenn eru nú í hølunum á teimum.  Sunnudagin er næstsíðsta umfar á skránni, og leygardagin 18. mars endar kappingin við innanhýsis dysti millum toppliðini.

Leygardagin 4. mars verður barnatalvkapping fyri lið í kantinuni í skúlanum við Løkin í Runavík. 2 kappingar av hesum slag vóru í 2022 sum upphitingar. Hesaferð er tað finalan, sum er á skránni!

8’inda og triðsíðsta GP-kapping í hesum kappingarári verður telvað í miðnámsskúlanum í Vestmanna leygardagin 25.02. Øll eru vælkomin at luttaka í kappingini.

Í vikuskiftinum luttaka 10 føroyskir ungdómar í talvkapping í Oslo, har telvað verður norðurlandameistaraheitið 2023. Tvey umboð frá hvøjum norðurlandi, Føroyar, Danmark, Norra, Svøríki, Finlandi og Íslandi, telvað í hvørjum bólki. Í alt eru 5 aldursbólkar.

  Aðalfundurin hjá Talvsambandi Føroya verður mikudagin tann 15. mars 2023 kl. 18:00 í Kolshøll á Eiði. Uppskot til viðgerðar á aðalfundinum skulu vera skrivlig og skulu vera nevndini í hendi í seinasta lagi 14 dagar áðrenn aðalfundin, t.v.s. 01. mars 2023.

Barnatelving er av álvara við at koma seg aftur, eftir dvaluna undir koronutíðini. TT BarnaOpen varð telvað sunnudagin í hølum Tofta Talvfelags, og luttóku heili 52 børn! Hettar er ein stórur vøkstur, í mun til kappingarnar sum hava verið bæði fyrr í hesum og tey seinastu kappingarárini.

Havnar Telvingarfelag bjóðar, saman við Talvsambandi Føroya, til føroyameistaraskapið í talvi fyri einstaklingar í 2023. Havnar Telvingarfelag verður 100 ár tann 18. apríl, og tað hátíðarhalda vit við góðum virðislønum.

Komandi sunnudag, tann 12. februar, verður barnatalvkapping í hølum Tofta Talvfelags, á Toftavegi 20. Talan er um opna kapping, har ið 7 umfør verða telvað við tíðini 10 minuttir + 5 sekund per leik. Kappingin byrjar kl. 14:00. Aldursmarkið fyri luttøku er 17 ár (skúlaaldur).