Talvsamband Føroya Faroechess

Føroyar telva móti Skotlandi í dag í øðrum umfari í evropameistarakappingini fyri landslið suðuri á Kreta. Skotland er eitt av liðunum, sum er styrkismett aftari enn Føroyar í røðini. Eins og í EM í Reykjavík fyri tveimum árum síðani er talan um eitt B-lið hjá Skotlandi. Eingin av skotsku stórmeistarunum eru við á Kreta, hvørki Rowson, Turner, Motwani, Shaw, McNab ella nakar annar. Kortini er bara ein av skotsku stórmeistarunum, sum hevur hægri styrkital enn Helgi Dam Ziska. Føroyar vunnu á Skotlandi í seinastu EM-kappingini, og ætlanin er at endurtaka sigurin í dag.

Føroyska talvlandsliðið tapti í dag 3-1 fyri Spania í fyrsta dystinum í evropameistarakappingini fyri landslið á Kreta. Helgi Dam Ziska og Høgni Egilstoft Nielsen telvaðu javnt á ávikavist 1.- og 2. borði, men á 3.- og 4. borði taptu Rógvi Egilstoft Nielsen og John Rødgård.

Í hesum døgum, 27. oktober – 1. november, luttekur Janus Skaale í kappingini Uppsala Young Champions 2017, ið verður telvað í Svøríki.

Í dag byrjar evropameistarakappingin fyri landslið í talvi. Fjøruti lið kappast suðuri á Kreta. Níggju umfør eru, kappingin endar 6. november. Byrjað verður klokkan eitt í dag. Føroyar telva í fyrsta umfari móti Spania. Føroyska liðið er styrkismett nummar 35 av teimum fjøruti liðunum. Spania er styrkismett nummar fimtan. Sterkir stórmeistarar manna spanska liðið; miðalstyrkitalið er omanfyri 2600. Føroysku telvararnir standa tí til at tapa øll talvini, men teir ætla kortini at geva spaniólum ein skarpan gang.

Talvkapping fyri børn og ung sunnudagin 29. oktobur kl. 14, í Gula skúla (Tórshavn). Øll eru vælkomin at vera við, bara man dugir mannagongdina.

Havnin og Sandavágur fingu bestu byrjanina í landskappingini í talvi. Dystirnir í fyrsta umfari vóru í dag.

22 lið úr níggju feløgum eru við í liðkappingini í talvi, sum fer av bakkastokki í dag. Seks lið eru í 1.- og 2. deild, og 10 í 3. deild.

Fyrsta Grand Prix kappingin varð hildin í Klaksvík fríggjakvøldið. Hetta var ein snarkapping (3 min + 2 sek), og suverenur vinnari gjørdist Høgni E. Nielsen við fullum stigatali, 2 stig frammanfyri nr. 2.

Her er talvkalendarin fyri 2017-18

Hervið verða feløgini biðin um at tekna lið til liðkappingina 2017/2018.