Talvsamband Føroya Faroechess

Hervið verður bjóðað til Grand Prix Kvik-kapping í Sandavági, leygardagin 27. februar. Telvað verður í SÍF-húsinum. Kappingin er partur av Grand Prix kappingini 2009/10.

Kappingin byrjar leygardagin 27. feb, kl. 12.00. Telvað verða 7 umfør.

Høgni Egilstoft Nielsen kemur heldur ikki hesuferð tómhentur heim til Sandavágs eftir lokna talvkapping í útlondum. Úrmælingurin vann NM-bronsu í Svøríki, fyri telvarar 12 ár og yngri. Einastandandi frálíkt avrik av Høgna, sum enn einaferð minnir okkum á, at heilt serlig talvevnir gera seg galdandi. 

Hóast bert 9 ára gamalur, hevur Janus Skaale, úr Klaksvík, framt eitt satt bragd í yngsta U10 bólkinum í NM í Svøríki. Eftir javnleik hósdag fyrrapart, er sigursrøðin framúrskarandi: 3 sigrar uppí slag !

Høgni Egilstoft Nielsen, úr Sandavági, vann - fríggjadag seinnapart - sera spennandi og dramatiskan oddadyst í U12-bólkinunum, ímóti lokala favorittinum, Egor Norlin (1911), úr Svøríki.  Úrslitið inniber ein heilt einastandandi spennandi endabrest leygardagin, tá tvinni og seinastu umførini verða telvd.

Høgni Egilstoft Nielsen, úr Sandavági, stendur seg væl í U12 bólkinum í NM, sum í hesum døgum verður telvað í Vasterås í Svøríki. Eftir enn ein sigur fyrrapartin, er Høgni á 3. plássi, bert ½ stig frá oddinum.

Talan gjørdist um eina heldur varliga byrjan hjá føroyska talv-hópinum, sum í hesum døgum luttekur í NM í talvi fyri ung í Vasterås í Svøríki.

Eftir at tvey umfør vórðu telvað hósdagin, varð úrtøkan 4 stig. Hetta hóast støður avgjørt vóru til meira.

Í dag byrjar NM í talvi fyri ung, sum hesuferð verður telvað í Vasterås í Svøríki. Føroyski hópurin er komin fram í øllum góðum og klárt er at byrja NM-orrustuna 2010.

14. februar 1970 varð landsfelag stovnað við heitinum Talvsamband Føroya og lógir tess samtyktar. Møtt vóru 28 umboð úr níggju feløgum: Sandavági, Miðvági, Sørvági, Eiði, Gøtu, Klaksvík, Kollafirði, Vestmanna og Tórshavn.

Fundurin var framhald av, at eftir nýggjár 1970 møttust í Havn umboð frá talvfeløgunum í Gøtu, Kollafirði og Vestmanna og Tórshavn. 

  Dysturin millum Vestmanna 3 og Havnin 6 verður telvaður seinni í vikuni. Dagføring: Dysturin varð telvaður hóskvøldið  og endaði 2½ – 1½ til Vestmanna 3.

Your browser does not support inline frames or is currently configured not to display inline frames.