Heim / TSF / Lógir og reglar

Lógir og reglar

Innbjóðing til steypakappingina

12. april 2016

Umframt kappingina er endamáli at draga samanum farna kappingarárið 2015/16 – og við Gallaveitsluni – ikki minst, at øll sum vara av telvingini fáa eina hugnaliga løtu saman. Og tað er at frøast um, at alt fleiri telvarar taka makarnar við til endabrestin ! Tá samanum kemur eru vit jú øll í somu skútu.

Skráin:

  • kl. 11.00 – Steypakapping
  • kl. 14.00 (uml.) – steðgur og ábit
  • kl. 14.00 (uml.) – atkvøtt verður um Ársins Telvara og Ársins Stjørnuskot
  • kl. 16.00 (uml.) – Fundur við feløgini. Evaluering av farna kappingarárinum. Møgulig átøk til komandi kappingarár.
  • kl. 19.00 (uml.) – Talv Gallaveitsla. M.a. verður Ársins Telvari, Ársins Stjørnuskot kosin.

Kappingarreglur:

Hvørt lið verður mannað við 6 telvarum. Loyvt er at hava tveir skiftistelvarar á hvørjum liði. Smærri feløg kunnu leggja saman eftir avtalu við TSF. Feløg kunnu luttaka við fleiri liðum.

Í kappingartalvuni verða liðini skipaði sambært úrslitinum frá Steypakappingini 2015, soleiðis, at fremstu liðini møtast síðst í kappingini. Harafturat verða innanhýsis dystir ímillum lið úr sama felag avgreiddir skjótast til ber í kappingarskipanini.

Kappingin fevnir um 9 umfør, ið verða telvaði við 10 min +5 sek/leik umhugsunartíð til hvønn.

Stendur á jøvnum, tá um nr. 1, 2, 3 umræður, er galdandi:

  • Innanhýsis dystur
  • Dupult-umfar: Snartelving (3 min +2 sek/leik í part til talvið)
  • 1. borð hjá liðunum: Dupult snartalv og síðani sudden-death, har hvítur hevur 4 +2 min. og svartur 3 +2 min. og har kravið er sigur til hvítan

Virðislønir

Steyp til vinnarin og medaljur eru til nr. 1, 2 og 3.

Tilmelding

Tilmelding fer fram á tlf. 75 14 22 (Finnbjørn Vang) . Tilmeldingarfreistin er 24. apríl 2016. Kostnaðurin er kr. 250 fyri hvønn telvara. Fyri onnur áhugaði er kostnaðurin kr. 300. Feløgini rinda upphæddina til TSF.

Gisting

Fyri gisting við morgunmati er kostnaðurin 450 kr eyka pr persón/ 650 kr einakamar. Avmarkað kømur eru á Gjáargarði, so tað er at skunda sær.

 

Takið lógvatak – og haldi fast – um forkunnuga talvtiltakið !

Við talvkvøðu

TALVSAMBAND FØROYA

 

 

   

Aðalfundurin útsettur til 26 okt.

13. oktober 2015

 

 

Skrá sambært lógunum:

 

  1. Formaðurin greiðir frá virki felagsins í farna ári
  2. Framløga av grannskoðaðum roknskapi til góðkenningar
  3. Nevndarval
  4. Val av 2 grannskoðarum
  5. Val av 2 dómsnevndarlimum
  6. Innkomin uppskot
  7. Limagjald
  8. Ymiskt

 

Í nevndini sita:

 

Finnbjørn Vang, form. (stendur fyri vali)

John Rødgaard 

Ingolf Gaard 

Elmar R. Fjallheim (stendur fyri vali)

Liljan Jacobsen (stendur fyri vali)

 

Møtið fjølment !

 

NEVNDIN

   

TSF – Grand Prix Kapping 2012/13

16. oktober 2012

Grand Prix kappingin 2012/13 fevnir um 9 kappingar:

 
Kappingarnar síggjast á talvkalendaranum, sum liggur á heimasíðuni hjá TSF.
 
Til tess at at fáa samlaða Grand Prix plasering og ratingvirðisløn, krevst luttøka í Finaluni og 4 undankappingum, harav luttikið skal vera í minst einari rataðari kapping (Open). 
 
KAPPINGARREGLUR
 
1) Kvik-kappingar: Hvør telvari fær 15 min. í part til hvørt talvið, telvað verða 7 umfør. Finalan 9 umfør.
 
2) FM Snar: Telvað verða 9 dupultumfør. 
 
3) Snar-kappingar: Telvað verða 9 umfør. Hvør telvari fær 5 min. í part til talvið.
 
4) Rataðar kappingar: Telvað verða 5 umfør. Umhugsunartíð verður ásett av fyriskipara.  
 
5) Grand Prix stig verða latin soleiðis í hvørjari kapping:
  
• Nr. 1 fær 7 GP stig
• Nr. 2 fær 5 GP stig
• Nr. 3 fær 4 GP stig
• Nr. 4 fær 3 GP stig
• Nr. 5 fær 2 GP stig
• Nr. 6 fær 1 GP stig
 
Um javnstøða er, verða GP-stigini deild.
 
6) Til tess at fáa samlaða Grand Prix plasering og ratingvirðisløn, krevst at viðkomandi hevur luttikið í Finaluni og í 4 undankappingum. 
 
7) Tá Grand Prix endastøðan og ratingvirðislønir verða gjørdar upp, verður hetta gjørt við støði í 5 teim bestu úrslitunum, t.v.s. vánaligasta úrslitið verður frádrigið. Er javnstøða verður næst-vánaligasta úrslitið frádrigið. Er framvegis javnstøða, verður umdystur við 2 snartalvum og síðani sudden-death, tá um nr. 1,2,3 og ratingvirðislønir umræður.   
 
8) Ratingvirðislønir verða latnar tá Grand Prix kappingin er lokin. Útgansstøðið er evt. samanspard GP-stig og annars talv-stig í fylgjandi ratingflokkum; sí annars 5. og 6:
 
    a) 1601 – 1900
    b) 1301 – 1600
    d) onki ratingtal – 1300
    
2 stig verða løgd aftur vunnum talvstigum, tá talan er um rataðar kappingar. Hetta fyri at javna út, at talan er um 5 umfør í rataðum kappingum og 7 umfør í kvik-kappingum. Tilsvarandi verður roknað niður á 7 stig, tá talan er um Snar-kappingar.
 
Grand Prix vinnarar vinna ikki samstundis ratingvirðislønir. 
 
9) TSF letur steyp til Grand Prix Vinnaran 2012/13, medaljur, og annars fylgjandi plaseringsvirðislønir:
 
1) Grand-Prix Vinnari: kr. 5.000
2) Nr. 2 kr. 3.000
3) Nr. 3 kr. 2.000
4) RVL: 1601-1900: kr. 1.000
5) RVL: 1301-1600: kr. 1.000
6) RVL:         -1300: kr. 1.000
 
 
TALVSAMBAND FØROYA
 
webmaster@faroechess.com
Talvsamband Føroya 2024