Rilton-Cup var aftur í ár, hildin í døgunum 27 desembur til 5 januar. Hetta er 39’inda ári, henda kapping verður hildin í svenska høvuðsstaðinum Stokkhólmi, og hesi 39 árini er hon bara vorðin størri og størri, upp á allar mátar. Hesa ferð luttóku tað 152 telvarar í kappingini. Kappingin verður býtt sundur í 2 bólkar, Rilton-Elo, har 82 luttóku, og Rilton-cup, har 70 luttóku, herav 18 GM’arar og 8 IM’arar.

Kappingin hevur navnið Rilton, eftir Tore Rilton (1904-1983), ið var ein av eldsálinum aftan fyri kappingina. Tore Rilton hevur havt ein stóran týdning fyri menningina av kappingini. Hann var tann, í hjálpti til fíggjarliga, og hann telvaði eisini við, í onkraði Rilton kapping.

Klaksvíkar Talvfelag skipaði fyri Kjølur Open í vikuskiftinum. KJØLUR OPEN
26 telvarir møttu upp í Ósáskúlanum fríggjakvøldið til fyrsta umfar, og hildu á til sunnudagin.

Kappingin var sera spennandi og jøvn. Ratingfavorittarnir lógu fremstir tað mesta av kappingini, men óvæntaði úrslit stungu seg upp allatíðina.
Av teimum kunnu nevnast: Javnleikurin hjá Silas 1315 móti Tummas M. 1857, Janus 1123 vann á Sigurð 1325, Eli 1158 vann á Jákup F. 1608 og sigrarnir hjá Hjalta 1895 á Finnbjørn 2050 og Herluf 2014.

7. umfar í liðkappingini verður telvað 13. februar. Orsøkin er NM fyri skúlaungdóm, sum verður telvað vikuskiftið 18 – 20 februar.

Rókur Open 2011 varð hetta vikuskiftið telvað í hølunum hjá Havnar Telvingarfelag. 22 mans vóru til dystin fús, og eftir fyrstu umførini gekk alt sum ætlað hjá  teimum við høgum styrkitølum. Tó megnaði Karl Marius Dahl 1228 úr Kollafirði, at telva javnt móti meira roynda Margari Berg 1705 úr HT.

  Aftur í ár skipaði Vestmanna Talvfelag fyri jólakapping, 18 dec., og í ár vóru 17 luttakarar, allir ímóti øllum, snartalv (5 min).Vinnari gjørdist Martin Brekká, meðan Jón og Jákup A. spældi umdyst um 2. plássið, sum Jákup vann.Eftir kappingina bleiv borðreitt við ræstari súpan og kjøtið, og mandilgáva var givin, hana vann Borgar.   Endaliga úrsliti gjørdist:   1.   Martin Brekká             14 stig2.   Jákup Andreasen        11½3.   Jón Mikkelsen             11½4.   Hanus Ingi Hansen      115.   Alfred Olsen               116.   Kári Durhuus              117.   Samson Højgaard       10½8.   Einar Olsen                 9½9.   Borgar J. Stórá            8½10. Palli Johannesen          6½11. Rógvi Hansen              6½12. Sjúrður Olsen             613. Petur Højgaard           5½14. Rúni Vørmadal            515. Jákup Durhuus            4½16. Jóhan E. Vørmadal      417. Jóhan Jákup Vørmadal 0   Vestmanna Talvfelag

Eitt áhugavert innslag varð gjørt eftir London Chess Classic av CNN, har núverandi heimsmeistarin Anand og Kasparov tosa um talv sum ítrótt.

Aðalfundur og jólaborðhald hjá Havnar TelvingarfelagLeygardagin 18.12.2010 kl. 17.00 verður sambart lógum felagsins aðalfundur í hølunum hjá Havnar Telvingafelag. Aftaná aðalfundin kl.19.00 verður árliga jólaborðhaldið og snartalv á skránni. Kappast verður m.a um ferðasteypið sum Hjalti T. Jógvanson hevur æruna av at verja. Tilmelding á ronny@kallnet.fo / 591000, kostnaður kr. 200,- Tilmeldingarfreistin er mikudagin 15.12.2010 Vinarliga møtið fjølmentNevndin  

Hans Petersen (Hans hjá Olivari) farin !

Týskvøldið andaðist Hans Petersen í heimi sínum í Toftum í Vestmanna.

Hans Petersen var føddur 26 mars 1930 í Vestmanna. Hann lærdi mannagongdina um 12 árs aldur, og var við frá byrjan tá ið Vestmanna Talvfelag var stovnað í 1951.

Nýggir beinkir við Talvborðið í Klaksvík.

Sum sæst á myndini eru seks nýggir beinkir komnir at standa kring talvborðið, sum býarfríðkanardeildin við Hans Hjalta Skaale býargartnara hjá Klaksvíkar Kommunu hevur gjørt. Tað serliga við bonkunum er, at vangarnir eru skrýddir við talvfólki, sum eru feld inn í betongið. Ein bonkur fyri hvørt talvfólk. Tað eru sostat ein Kongabonkur, Frúarbonkur og somuleiðis beinkir við Róki, Riddara, Bispi og Finnu.

FM í snartalvi 2010:

...og vinnarin, sjeynda árið á rað: Helgi við 16½ av 18 !