90-ini eru hendingarr\u00edk \u00e1r \u00ed f\u00f8royskari telving. N\u00f3gv ver\u00f0ur lagt fyri \u00ed landskappingini. Heili f\u00fdra fel\u00f8g vinna FM hesi t\u00edggju \u00e1rini. Ongant\u00ed\u00f0 hava so n\u00f3gvir \u00fatlendskir telvarar sett s\u00edn d\u00e1m \u00e1 f\u00f8roysku kappingina sum tey seinnu 90-\u00e1rini. Summi fel\u00f8g gingu undan og settu g\u00f3\u00f0ar telvarar sum leikandi venjarar \u00ed felagnum. \u00cd so m\u00e1ta valda\u00f0i st\u00f8rri framskygni \u00ed f\u00f8royskari telving enn n\u00fa.<\/p>\n\n\n\n
<\/p>\n\n\n\n
Fyrst \u00ed 90-unum – \u00e1 sumri 1992 – koma tveir av heimsins bestu telvarum til F\u00f8royar at vera eina t\u00ed\u00f0. Talvsamband F\u00f8roya f\u00e6r hetta v\u00ed\u00f0fevnda stig \u00ed lag. Telvararnir eru Predrag Nikolic og Ivan Sokolov \u00far Bosnia-Herzegovina. Teir eru \u00ed veruleikanum fl\u00f3ttamenn, t\u00ed kr\u00edggj herjar \u00ed heimlandinum. Klaksv\u00edkar Talvfelag h\u00fdsir Nikolic, og Havnar Telvingarfelag Sokolov. B\u00e1\u00f0ir taka s\u00e6r fyri at venja telvararnar \u00ed hesum fel\u00f8gum, og ivaleyst vekja teir ansin fyri telving millum teir yngstu.<\/p>\n\n\n\n
90-ini eru kreppu\u00e1r \u00ed F\u00f8royum – serliga fyrru 90-ini. T\u00e1 fara n\u00f3gvir telvarar eisini av landinum, ikki endiliga av kreppuni, men burtur at lesa. Flest allir savna\u00f0ust um f\u00f8royska talvfelagi\u00f0 \u00ed Keypmannahavn, sum kring aldam\u00f3ti\u00f0 vann seg heilt upp \u00ed fremstu donsku deildina. So vi\u00f0 og vi\u00f0 kom meginparturin av f\u00f8roysku talv\u00fatisetunum heim aftur, og t\u00e1 enda\u00f0i f\u00f8royska talv\u00e6vint\u00fdri\u00f0 \u00ed Danmark.<\/p>\n\n\n\n
\u00datisetarnir fer\u00f0a\u00f0ust kortini t\u00ed\u00f0um heim at vera vi\u00f0 \u00ed dystum \u00ed f\u00f8roysku landskappingini, og \u00ed \u00e1rligu FM-einstaklingakappingunum um p\u00e1skirnar v\u00f3ru teir \u00eddnir luttakarar.<\/p>\n\n\n\n
St\u00f3rpl\u00e1ssini Havnin og Klaksv\u00edk mundu eiga br\u00f3\u00f0irpartin av \u00fatisetatelvarunum. Fel\u00f8gini har l\u00f8gdu helst eisini st\u00f8rri dent \u00e1 ungd\u00f3mstelving enn hini fel\u00f8gini, og mundu eisini vera tey, sum fingu meiri undan enn hini. Men \u00ed seinnu h\u00e1lvu av 90-unum er ta\u00f0 Kollafjar\u00f0ar Talvfelag, i\u00f0 spennir seg mest \u00fat. Teir hava \u00ed n\u00f8kur \u00e1r svian Tiger Hillarp-Persson sum fastan venjara og leikandi venjara, og sum fr\u00e1 l\u00ed\u00f0ur s\u00edggjast fleiri yngri telvarar koma undan, hin besti er Hans Kristian Simonsen.<\/p>\n\n\n\n
Talvsamband F\u00f8roya spennir seg eisini \u00fat, og skipar \u00ed 1997 fyri fyrstu st\u00f3ru altj\u00f3\u00f0a talvkapping \u00ed F\u00f8royuum, Visa Nordic Grand Prix. Her fingu f\u00f8royingar h\u00f8vi\u00f0 til at s\u00edggja og telva \u00edm\u00f3ti n\u00f8krum av teimum bestu \u00fati \u00ed heimi. Peter Svidler, i\u00f0 seinni hetta \u00e1ri\u00f0 vann Russlandsmeistaraheiti\u00f0 \u00e1 tri\u00f0ja sinni, vann kappingina \u00ed F\u00f8royum.<\/p>\n\n\n\n
\u00cd f\u00f8roysku landskappingini v\u00f3ru har\u00f0ar orrustur, b\u00e6\u00f0i \u00e1 talvbor\u00f0i og \u00e1 skrivarabor\u00f0i. Tr\u00e6tur trutu ikki, og k\u00e6rum\u00e1lini fuku um oyruni \u00e1 teim telvandi \u00ed teimum spennandi 90-unum, t\u00e1 flest \u00f8ll fel\u00f8gini k\u00fdttu seg av \u00f8llum alvi fyri at vinna. Ikki f\u00e6rri enn f\u00fdra fel\u00f8g vunnu FM hetta baldruta t\u00edggju\u00e1raskei\u00f0i\u00f0; Havnar Telvingarfelag, Klaksv\u00edkar Talvfelag, Kollafjar\u00f0ar Talvfelag og Vestmanna Talvfelag.<\/p>\n\n\n\n
\u00c1r fyri \u00e1r<\/strong><\/p>\n\n\n\n Ni\u00f0anfyri s\u00edggjast yvirskriftir fyri hv\u00f8rt av \u00e1runum \u00ed hesum t\u00edggju \u00e1ra skei\u00f0i.<\/p>\n\n\n\n Reglurnar eru leinki til hv\u00f8rt av hesum \u00e1rum. T\u00e1 klikt ver\u00f0ur \u00e1, letur seg upp n\u00fdggj s\u00ed\u00f0a vi\u00f0 stuttari fr\u00e1s\u00f8gn um kappingar\u00e1ri\u00f0 og yvirlit yvir deildirnar.<\/p>\n\n\n\n Anna\u00f0 leinki inni \u00ed hesum greinum v\u00edsir til a\u00f0ra s\u00ed\u00f0u vi\u00f0 n\u00e1greiniligum \u00farsliti fyri fremstu deildina.<\/p>\n\n\n\n 1990 – tryggur HT-sigur<\/a><\/strong><\/p>\n 1991 – klaksv\u00edkingar spenna seg \u00fat<\/strong><\/a><\/p>\n 1992 – vestmenningar sk\u00fama r\u00f3man<\/strong><\/a><\/p>\n 1993 – kollfir\u00f0ingar vinna spurtin<\/strong><\/a><\/p>\n 1994 – \u00ed Kollafir\u00f0i er ikki so gali\u00f0<\/strong><\/a><\/p>\n 1995 – Havnin stingur seg upp \u00edmillum<\/strong><\/a><\/p>\n 1996 – Klaksv\u00edk og Streymur \u00ed finalu<\/strong><\/a><\/p>\n 1997 – innr\u00e1s av fremmandum telvarum<\/strong><\/a><\/p>\n