Talvsamband Føroya Faroechess

Hervið verður bjóðað til Grand Prix Kvik-kapping í Sandavági, sunnudagin 07. februar. 

Kappingin er partur av Grand Prix kappingini 2015/16.

Talvkappingin Rókur Open 2016 var hildin fyri 10. ferð. Á ferðasteypinum, ið Ulla Joensen vegna Sunda kommunu handaði vóru allir teir fremstu telvarnir seinastu 10 árini graveraði. Har vóru Hans Kristian Simonsen 2007, Helgi Dam Ziska 2010 -11, Rógvi Egilstoft Nielsen 2009-12-14, Olaf Berg 2008-13 og Høgni Egilstoft Nielsen 2015 og 2016. Vinnarin hesaferð, var eins og seinasta ár, Høgni Egilstoft Nielsen úr Sandavági, nr. 2 var bygdarmaður hansara, Silas Eyðsteinson og nr. 3 gjørdist Hans Kristian Simonsen úr Kollafirði. 1. Ratingvirðisløn vann føðingardagsbarnið, 15 ára gamli klaksvíksjingurin, Janus Skaale,  2.  vann Leif Reinert. Fjallheim og 3. vann Benjamin Reinert Fjallheim – havnarbeiggjarnir báðir!   Talvfelagið Rókur takkar Sunda Komunu fyri lán av skúlanum, og góðan stuðul. Endaliga støðan sæst her: http://www.chess-results.com/tnr205075.aspx?lan=7&art=1&wi=821

Hervið verður bjóðað til RÓKUR OPEN 2016 dagarnar 29-31 jan. Kappingin er partur av Grand Prix kappingini 2015/16.

Hervið verður bjóðað til Grand Prix Kvik-kapping í Havn, leygardagin 23. januar. 

Telvað verður í Gulaskúla. Kappingin er partur av Grand Prix kappingini 2015/16.

Sandavágs Talvfelag skipar í døgunum

19. mars til og við 26. mars 2016, fyri: 

Føroya Meistaraheitið í Talvi fyri einstaklingar 2016. 

Kappast verður í hesum bólkum:  

Landsliðsbólkur (10 telvarar),

1. Bólkur (10 telvarar),

Almenni bólkur (óavmarkað) og 

Unglingabólkur (óavmarkað).

Kappingin:

Kappingin fer fram í Skúlanum á Giljanes í Sandavági, frá 19. mars til og við 26. mars 2016

Kjølur Open 2016

Hervið verður bjóðað til talvkappingina KJØLUR OPEN 2016 dagarnar 15.-17. jan. Kappingin er partur av Grand Prix kappingini 2015/16.

31 telvarar møttu til føroyameistaraheitið í snartelving. Havnar Telvingarfelag var vertur, og gjørdu teir tað við lít. Heimabakaðir bollar, føroyskur viðskeri, køkur og kaffi – onki vantaði.  Fleiri av sterkastu telvarunum vóru við, umframt Helga Dam Ziska, tann absolutt sterkasta í føroyskari telving. Helgi lat heldur ongan iva vera um, at hann er stinnastur í Føroyum.  Fyri fyrstu ferð (møguliga nakrantíð) vann Helgi FM í snartelving við fullum stigatali, 18 av 18! Og tá vóru sum áður nevnt, fleiri navnframir telvarar við í kappingini.  Á deildum øðrum plássi endaðu Rógvi Egilstoft Nielsen og Sjúrður Thorsteinsson við 13 stigum.  Ratingvirðislønirnar vunnu Jón Gregersen, Eli W. Finnson og  Sámal Andrias Jacobsen. Hjartaliga til lukku allir samlir.

31 telvarar møttu til føroyameistaraheitið í snartelving. Havnar Telvingarfelag var vertur, og gjørdu teir tað við lít. Heimabakaðir bollar, føroyskur viðskeri, køkur og kaffi – onki vantaði.  Fleiri av sterkastu telvarunum vóru við, umframt Helga Dam Ziska, tann absolutt sterkasta í føroyskari telving. Helgi lat heldur ongan iva vera um, at hann er stinnastur í Føroyum.  Fyri fyrstu ferð (møguliga nakrantíð) vann Helgi FM í snartelving við fullum stigatali, 18 av 18! Og tá vóru sum áður nevnt, fleiri navnframir telvarar við í kappingini.  Á deildum øðrum plássi endaðu Rógvi Egilstoft Nielsen og Sjúrður Thorsteinsson við 13 stigum.  Ratingvirðislønirnar vunnu Jón Gregersen, Eli W. Finnson og  Sámal Andrias Jacobsen. Hjartaliga til lukku allir samlir.   Stigatalva vm: http://chess-results.com/tnr201839.aspx?lan=7&art=4&wi=821  trýst á leinkjuna

Føroyameistaraheitið í snartalv verður: 27. desembur kl. 14.00 í Skúlin við Løgmannabreyt, Tórshavn. Tilmelding i seinasta lagi leygardagin 26 des. kl. 18.00 á faroechess@faroechess.com ella smsa til 22 00 13 Upplýs navn + rating. Luttøkugjaldið er 100 kr. Telvað verða 9 dupultumfør. Tíðin verður 3 minuttir +2 sekund pr leik. Við javnstøðu á 1. plássinum, verður umdystur á 2x 3 +2 og síðan suddendeath. Aðrar plaseringar verða roknaðar við korrektión. Virðislønir til 1,2 og 3  + ratingvirðislønir.  Tað verður ikki tikið móti tilmeldingum eftir freistina.   Tilmeldingar:  

FM í snartelving verður 27. desembur kl. 14. Nærri verður lýst seinni.    Við talvkvøðu, Talvsamband Føroya og Havnar Telvingarfelag