Heim / Tíðindi / Seinastu Tíðindini / OL: Enn ein javnleikur

OL: Enn ein javnleikur

Lagt varð upp til eina javna uppgerð, har liðini vórðu seedaði ávikavíst nr. 83 og 88, sum eisini vísti seg at halda, tá avtornaði.

(0-1) IM John Rødgaard (2352) – Saleh A.R. Salem (2501)
(1-0) Olaf Berg (2274) – Jasem Al Huwar (2265)
(0-1) FM Carl Eli Nolsøe Samuelsen (2262) – Ali Ali Omar Noaman (2220)

(1-0) Jóan Hendrik Andreasen (2217) – FM Marwan Abdulwahab (2089)

John gjørdi mistak, sum innibar tapta støðu tíðliga í talvinum, meðan Carl Eli telvdi sera orkufrekt og var – at síggja til – ávegis einum sera vøkrum sigri. Men Ali fann júst røttu loysnina við máthóttan á 1. raði.

Olaf og Jóan Hendrik telvdu – við omanfyri 70 leikum – stútt og trygt mótstøðuna av borðinum. Enn eitt umfar, har teir hálaðu sigrar til høldar.

Í 11. og seinasta umfarinum, er mótstøðulandið Mexico, sum er seedað nr. 36, t.v.s. heili 47 pláss fremri enn Føroyar, sum er seedað nr. 83. Krútsterk mótstøða, har altjóða meistarar, við ratingtali omanfyri 2500, manna øll borðini.

 

Sí eisini

Høgni á FM-kós

Høgni Egilstoft Nielsen vann í dag avgerandi talvið móti bróðrinum Rógva Egilstoft í sætta og næstsíðsta umfari í FM-einstaklingakappingini í talvi á Giljanesi.