Heim / Tíðindi / Seinastu Tíðindini / Føroyar taptu tepurt
OL_2018

Føroyar taptu tepurt

Føroyar taptu tepurt 2½ – 1½ fyri Bosnia-Herzegovina í øðrum umfari á talvolympiaduni í Georgia dag.

Martin Poulsen vann á fjórða borði, og Helgi Dam Ziska telvaði javnt á fyrsta borði. John Rødgaard og Olaf Berg taptu.Dysturin sá út til at enda javnur, men John Rødgaard, sum sat við síðsta talvinum, tapti í javnari støðu eftir stórt mistak í 51-instjúgunda leiki.
Bosnia-Herzegovina er styrkismett hægri enn Føroyar og var favorittur at vinna dystin.
Bosnia-Herzegovina hevur staðið seg væl á talvolympiadum síðan tað gjørdist sjálvstøðugt eftir borgarakríggið á Balkan fyrst í 90-unum. Besta OL-úrslitið er annaðplássið í 1994.
Føroyar vunnu í gjár 3½ – ½ á Sierra Leone.
Triðja umfar er í morgin. Hvat mótstøðuliðið hjá Føroyum verður er ikki greitt fyrr enn seinni í kvøld.

Sí eisini

EM_2017_Rogvi_Hogni_Nielsen

Sandavágsmenn økja

Oddaliðið í landskappingini í talvi, Sandavágs Talvfelag, økti um leiðsluna við knúsandi 4-0 sigri á …