Brøðurnir Rógvi og Høgni Egilstoft Nielsen hava um vikuskiftið vunnið FM-heitið í ávikavist snar- og kviktalvi. Stórmeistarin Helgi Dam Ziska tapti fyri brøðrunum í báðum kappingunum. Árligu FM-kappingarnar í skjótu talvgreinunum hava um vikuskiftið verið í Víkingahúsinum í Norðragøtu. Luttøkan var góð. 37 kappaðust leygardagin í snartelving, og 50 telvarar vóru í dag við í kvikkappingini. Í snarkappingini vóru ellivu umfør, og í kvikkappingini níggju. Í snarkappingini hevur hvør telvari tríggjar minuttir í part til talvið umframt tvey sekund fyri leikin. Í kvikkappingini eru tíggju minuttir í part til talvið umframt fimm sekund fyri leikin.
Les meira »Albania ov sterkir
Føroyska talvlandsliðið formáddi sær lítið móti Albania í síðsta umfari í EM-stevnuni í Montenegro mánadagin. Vit taptu 3½-½. Bara veteranurin John Rødgaard var mentur at halda tørn. Hóast Albania var greiður favorittur, høvdu fleiri ivaleyst vónir um frægari úrslit enn hetta.
Les meira »Úrslit: FM fyri gentur 2023
Sunnudagin 10. november var FM fyri gentur 2023 telvað í Stranda Skúla. 9 gentur luttóku, og umframt Føroyameistaraheitið var eisini kappast um luttøku í Norðurlandameistaraskapinum fyri gentur. 2 gentur koma at umboða Føroyar í mars/apríl 2024 í U14 aldursbólkinum.
Les meira »Aftur ein javnleikur
Tað endaði 2- 2 móti Kosovo í næstsíðsta umfari í EM-kappingini í talvi í dag. Í seinasta umfari í morgin mánadagin telva Føroyar móti Albania - sama dag, sum londini hittast í fótbóltslandsdysti í Tirana.
Les meira »Úrslit: NM úttøku-undankappingarnar
Seinna NM úttøku-undankappingin var í Tofta Skúla í gjár. Tá skuldi avgerast, hvør ið sleppur við í finaluna, har ið kappast verður um NM luttøku. 2 í hvørjum aldursbólki sleppa at umboða Føroyar til Norðurlandameistaraskapið komandi ár. 8 sleppa við í finaluna í hvørjum bólki. Finalan verður í Sandavági um 2 vikur.
Les meira »2-2 móti Finnlandi
Føroyar telvaðu í kvøld javnt móti Finnlandi í EM-kappingini fyri landslið í Montenegro. Eitt fínt úrslit. Men vit áttu av røttum at vunnið. John hevði ein av teimum døgunum, tá ið talvið allan vegin er í sunnari javnvág, og eingin vandi er á ferð. Eitt trygt remis, og so var botnurin lagdur.
Les meira »Móti Finnlandi í dag
Í sjeynda og triðsíðsta umfari í stóru EM-stevnuni í Montenegro telva Føroyar móti Finnlandi. Finnlendingar eru styrkismettir ovari enn vit, og hava hægri ratingtøl á øllum borðum. Fyritreytirnar eru tí tær somu sum í at kalla hvørjum dysti; vit eru the underdog.
Les meira »Innbjóðing til FM-Snar og FM-Kvik
Komandi vikuskifti verður Víkingahúsið (fótbóltshúsið) í Gøtu karmur um FM-Snar og FM-Kvik 2023, dagarnar 24. og 25. november. Byrjað verður leygardagin kl. 13.30, tá FM-Snar verður telvað. Sunnudagin kl. 13.30 verður FM-Kvik telvað. Øll eru vælkomin at luttaka í kappingunum, bæði roynd og óroynd. Tað er ikki krav at luttikið verður í báðum kappingunum.
Les meira »Føroyar í stórum stíli
So eydnaðist tað endiliga. Føroyar vunnu í kvøld sín fyrsta dyst í stóru EM-stevnuni fyri talvlandslið suðuri í Montenegro. Og tað so ruddiliga eisini. 3½-½ vunnu Føroyar á Skotlandi. Vorðið sum, má sigast.
Les meira »Sama søga
Tað gongur ikki illa hjá føroysku telvarunum í krútsterku EM-stevnuni í Montenegro, tó at vit hava tapt allar dystirnar higartil. Triðja dagin á rað taptu okkara menn 2½-1½. Hesaferð møttu vit eykamonnunum hjá vertstjóðini. Tað endaði aftur javnt á trimum av fýra borðum. Men so tapa vit fjórða talvið og harvið dystin. Í dag var tað Rógvi Egilstoft, sum lá eftirá. Rógvi hevur annars verið ósigraður í kappingini higartil. Mótstøðumenninir høvdu hægri styrkitøl á fremstu trimum borðunum, men mótstøðuliðið er bara eitt pláss ovari enn vit í styrkismetingini. Martin Poulsen fekk eitt kærkomið remis í dag. Hann hevði svarta fólkið móti altjóða meistara við væl hægri styrkitali, men í dag hepnaðist tað, sum mishepnaðist í gjár. Høgni og John halda fast um góðu gongdina, og fingu báðir remis.
Les meira »