Uppreisn

OL_2018_lidid

Í dag gekk upp á stás hjá Føroyum á talvolympisku leikunum í Georgia. Okkara menn gjørdu bart og vunnu 4-0 á Ghana. Hetta er fyrsti dysturin, sum vit vinna við fullum stigatali. Helgi Dam Ziska, Olaf Berg, Martin Poulsen og Carl Eli Samuelsen vunnu allir. Sveiggini eru stór hjá føroysku telvarunum í Batumi. Í gjár taptu vit 3-1 fyri Afghanistan, sum er styrkismett nummar 143, og í dag vunnu vit 4-0 á Ghana, sum er styrkismett nummar 141. Tann munurin, sum sambært styrkitølunum átti at komið til sjóndar og ruddað fyri greiðum føroyskum sigri í gjár, sást í staðin í dystinum í dag. Allir okkara telvaðu væl í dag og vunnu sannførandi; fyrst Olaf, so Carl Eli, so Martin og til endans Helgi. Eingin ivi er um, at Helgi styrkir liðið munandi. Eitt er, at hann er okkara akker, men tað tykist, sum ernast hinir á liðnum eisini, tá ið hann er við. Sigurin …

Les meira »

Nýtt lágmark

OL_2018_lidid

Tað gongur illa hjá føroyska talvlandsliðnum í Georgia. Í dag taptu vit 3-1 fyri Afghanistan. Føroyska liðið er styrkismett nummar 76, Afghanistan nummar 143. Føroysku telvararnir høvdu á øllum borðum umleið 300 ratingstig fleiri enn afghansku mótstøðumenninir. Úrslitið er tí næstan óhoyrt.

Les meira »

Stórsigur á Libya

OL_2018_lidmynd

Føroyska talvlandsliðið er farið undir eina endurreisn eftir íhald og sigursturk í nakrar dagar á talvolympiaduni í Georgia. Í áttanda umfari í dag eydnaðist at vinna ruddiliga á Libya. Úrslitið var 3½-½. Olaf Berg, Martin Poulsen og Carl Eli Samuelsen vunnu, og John Rødgaard telvaði javnt.

Les meira »

Vónbrot

OL_2018

Stígur er komin í hjá føroyska talvlandsliðnum á olympiaduni í Georgia. Í sjeynda umfari í dag taptu Føroyar 2½-1½ fyri Botswana. Hetta kom ógvuliga dátt við, tí Føroyar eru styrkismettar fjøruti pláss hægri enn afrikanska liðið. Fittur ratingmunur var eisini á øllum fýra borðum.

Les meira »

Helgi gjørdi bart

OL_2018_Helgi

Føroyski stórmeistarin Helgi Dam Ziska gjørdi eitt ordans hál á talvolympiaduni í Georgia í dag. Honum eydnaðist at vinna á 1. borði í dystinum móti Brasil, sum er sterkasta lið, ið Føroyar hava møtt í kappingini.

Les meira »

Mótstøðan harðnar

OL_2018

Føroyar taptu 3-1 fyri Avstralia í fimta umfari á talvolympiaduni í Georgia í gjár. Sum væntandi var, gjørdist mótstøðan í meira lagi. Á fremstu trimum borðunum hjá Avstralia sótu stórmeistarar, á fjórða borði høvdu teir telvara við altjóða IM-heiti. Avstralia er styrkismett nummar 41, Føroyar nummar 76.

Les meira »

Vunnu á Malta

OL_2018_lidid

Føroyar vunnu við bit og slit á Malta í triðja umfari á talvolympiaduni í Georgia mikudagin. Úrslitið var 2½-1½. Carl Eli Samuelsen gjørdist føroyskur sigursharri í dystinum. Hann vann við svarta fólkinum á 4. borði. Hinir tríggir, Helgi Dam Ziska, John Rødgaard og Martin Poulsen, telvaðu allir javnt.

Les meira »

Tepur ósigur

Føroyar taptu í dag 2½-1½ fyri Bosnia-Herzegovina á talvolympiaduni í Batumi í Georgia. Bosnia-Herzegovina er styrkismett væl ovari enn Føroyar, og var tí favorittur at vinna dystin. Kortini kundi úrslitið lættliga verið eitt annað.

Les meira »

Føroyar taptu tepurt

OL_2018

Føroyar taptu tepurt 2½ – 1½ fyri Bosnia-Herzegovina í øðrum umfari á talvolympiaduni í Georgia dag. Martin Poulsen vann á fjórða borði, og Helgi Dam Ziska telvaði javnt á fyrsta borði. John Rødgaard og Olaf Berg taptu.

Les meira »