Talvsamband Føroya Faroechess
Føroyar taptu 3-1 fyri Avstralia í fimta umfari á talvolympiaduni í Georgia í gjár. Sum væntandi var, gjørdist mótstøðan í meira lagi. Á fremstu trimum borðunum hjá Avstralia sótu stórmeistarar, á fjórða borði høvdu teir telvara við altjóða IM-heiti. Avstralia er styrkismett nummar 41, Føroyar nummar 76. Les meira »
Tíðindi
Javnleikur móti Írlandi
Tað eydnaðist Føroyum at fáa javnt 2-2 móti Írlandi í fjórða umfari á talvolympiaduni í Batumi í Georgia í dag.
Vunnu á Malta
Føroyar vunnu við bit og slit á Malta í triðja umfari á talvolympiaduni í Georgia mikudagin. Úrslitið var 2½-1½.
Carl Eli Samuelsen gjørdist føroyskur sigursharri í dystinum. Hann vann við svarta fólkinum á 4. borði. Hinir tríggir, Helgi Dam Ziska, John Rødgaard og Martin Poulsen, telvaðu allir javnt.
Tepur ósigur
Føroyar taptu í dag 2½-1½ fyri Bosnia-Herzegovina á talvolympiaduni í Batumi í Georgia.
Bosnia-Herzegovina er styrkismett væl ovari enn Føroyar, og var tí favorittur at vinna dystin. Kortini kundi úrslitið lættliga verið eitt annað. Les meira »
Føroyar taptu tepurt
Føroyar taptu tepurt 2½ – 1½ fyri Bosnia-Herzegovina í øðrum umfari á talvolympiaduni í Georgia dag.
Martin Poulsen vann á fjórða borði, og Helgi Dam Ziska telvaði javnt á fyrsta borði. John Rødgaard og Olaf Berg taptu. Les meira »
Móti Bosnia-Herzegovina
Føroyar telva móti Bosnia-Herzegovina í øðrum umfari á talvolympisku leikunum í Georgia týsdagin. Føroyska liðið vann 3½-½ á Sierra Leone í fyrsta umfari. John Rødgaard, Olaf Berg og Martin Poulsen vunnu, og Carl Eli Samuelsen telvaði javnt. Les meira »
Talvolympiadan byrjar í dag
Á middegi verða fyrstu leikirnir fluttir á 43. talvolympiaduni. Telvað verður í Batumi í Georgia. Ikki færri enn 185 lið eru í almennu kappingini. Føroyar eru styrkismettar nummar 76.
Føroyar telva í fyrsta umfari í dag móti Sierra Leone. Afrikanska liðið er styrkismett nummar 169, so her átti ein greiður føroyskur sigur verið væntandi. Føroyski stórmeistarin Helgi Dam Ziska er ikki við í dag. Hinir fýra á føroyska liðnum telva tí dystin móti Sierra Leone – John Rødgaard, Olaf Berg, Martin Poulsen og Carl Eli Samuelsen. Les meira »
Nýggj nevnd í Talvsambandi Føroya
Á aðalfundinum í Klaksvík 21.09 stillaðu 7 upp til nevndina. Sitandi nevnd tók við afturvali, meðan tvey nýggj upskot vóru afturat. Nývald í nevndina gjørdist Katrin Didriksen Apol. Hinir nevndarlimirnir vórðu afturvaldir, og eftir fundin skipaði nevndin seg soleiðis:
Uppskot til talvkalendarin 2018/19
Uppskot til talvkalendarin 2018/19. Les meira »
Aðalfundur 21.09.18 kl 19.00
Aðalfundurin hjá Talvsambandi Føroya verður 21. septembur kl 19.00 í hølunum hjá TSF. Addressan er Klaksvíksvegur 68, 700 Klaksvík.
Gráur bygningur á høgru síðu, niðanfyri gamla Sjóvinnubankan, omanfyri Heimið við Vágna – við síðunnar av Rúsuni.