Tíðindi

Í dag eru tvey tey fyrstu umførini í NM-kappingini fyri skúlaungdóm telvaði. Føroysku telvararnir hava fingið eina sera góða byrjan. Í alt hava teir klárað at skava 7 stig saman.

Eins og vanligt er, so fingu føroysku telvararnir harða mótstøðu í 1. umfari. Hetta kemst av, at telvararnir í ovaru hálvu møta teimum í niðaru hálvu. Í ár er tað bara Luitjen, av føroysku telvarunum, sum er omanfyri miðjuna. Luitjen gjørdi eisini sína skyldu og vann sítt talv móti Eliasi. Men hann mátti stríðast, tí stóran part av talvinum hevði Elias fyrimun. Les meira »

Norðurlandameistaraheitið í skúlatelving verður telvað í vikuskiftinum. Íslendingar eru vertir, og verður telvað á Borgarnesi. Kappingin er skipað í 5 aldursbólkar, og hava Norðurlondini tvey umboð í hvørjum bólki.
Føroyski hópurin fór til Íslands tíðliga hósmorgunin, tí longu kl 10 fríggjadagin 15. februar byrjar fyrsta umfar. Ferðalagið telur 20 fólk, umframt at Rógvi Egilstoft Nielsen er við sum venjari. Telvað verða 6 umfør, og endar kappingin sunnudagin 17. februar.

Les meira »

Sandavágs Talvfelag hevur beina kós móti FM-heitinum í talvi. Í dag øktu teir leiðsluna við einum stigi, og eru nú hálvtfjórða stig frammanfyri Havnar Telvingarfelag. Tað byrjar so smátt at lukta av FM-gulli hjá vágamonnum.

Les meira »

Í dag verður sjøtil settur á seinnu leikhálvu í landskappingini í talvi. Dystirnir í sætta umfari í øllum deildum eru í dag. Les meira »

Klaksvíkar Talvfelag bjóðar til GP 6, Kjølur Open, vikuskiftið 1.-3. Februar 2019

Les meira »

Tvíumfarið leygardagin 19.01.2019 verður telvað í Skúlatrøð (Ósáskúlin) í Klaksvík. Byrjað verður kl. 10.00. Seinna umfar byrjar kl. 16.00.

Sandavágs Talvfelag bjóðar til GP 4, ST Open, vikuskiftið 11-13. Januar 2019

Les meira »

Føroyski stórmeistarin í talvi, Helgi Dam Ziska, verður talvráðgevi í føroyska skúlaverkinum frá 1. januar 2019 at rokna.  Les meira »

Føroyameistaraheitið í snartalv verður leygardagin 29. desembur kl 14.00 í Gula Skúla, Landavegur 30, Tórshavn.

Kappingin verður skipað við 9 dupult-umførum og umhugsunnartíðin 3 min + 2 sek /leik.
Les meira »